E.g., 28.06.2022
E.g., 28.06.2022
E.g., 28.06.2022
E.g., 28.06.2022
E.g., 28.06.2022

2020 s. küzden başlap İdarelerarası eyyet RF siyasiy esirleri-ukrainlerine 45 mln grivna ödedi

Опубліковано 20 January 2022 року, о 12:43

2020 s. sentâbr ayında Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyetniñ işini yañıdan başlattı.

Böylece, idarelerarası eyyetniñ işi yañıdan başlanğan soñ 11 oturış keçirildi.

«Eyyetniñ işi yañıdan tikelme, Ukrainağa qarşı silâlı tecavuz neticesinde azatlıqtan marum etilgen insanlarnıñ içtimaiy ve uquqiy qorçalamasını temin etmek içün müim bir mehanizmdir. Keçirilgen oturışlarnıñ ve eyyetniñ işiniñ neticelerine köre, Rusiye Federatsiyası tarafından qanunsız olaraq azatlıqtan marum etilgen ve şimdi apiste olğan ukrain vatandaşlarınıñ 190 qoranatsı uquqiy yardım içün 19 mln grivnalıq, yani er bir qorantası içün 100 biñ grivnalıq ödevler aldılar», - dep nazirniñ muavini İgor Yaremenko bildirdi.

O daa qayd etti ki, eyyetniñ işi yañıdan başlanğan soñ 2014 ve 2019 ss. arasında rus esirliginden azat etilgen 255 vatandaşı, Ukrainağa qarşı silâlı tecavuz neticesinde azatlıqtan marum etilgen olaraq tanındı. Bugün Reintegratsiya nazirligi 253 vatandaşına bir kerelik 25,3 mln grivnalıq (yani bir vatandaş içün 100 biñ grivna) para yardımını ödedi. Yaqın zamanda daa 2 vatandaşı para yardımını alacaq.

«Kreml esirlerine yardım etüv aqqında böyle qararnen Ukrainanıñ, uquq devleti olğanını ve qayda olmamalarına baqmadan vatandaşlarını qayğırğanını kösteremiz», - dep Yaremenko qoştı.

Umumen, idarelerarası eyyet bar olğan vaqıt, yani 2018 senesinden, farqlı senelerde 27,3 mln grivnalıq (100 biñ grn.) para yardımını:

1. 2018 s. - azatlıqtan marum etilgen kişilerniñ 77 qoranatası;

2. 2019 s. - azatlıqtan marum etilgen kişilerniñ 80 qoranatası;

3. 2020 s. - azatlıqtan marum etilgen kişilerniñ 116 qoranatası aldılar.

İdarelerarası eyyetniñ er vaqıtki ve semereli işini devam etecegini qoştı.

Böylece, bu seneniñ soñuna Nazirlikke kelgen bütün hitapnameler, İdarelerarası eyyet tarafında qanunlarda belgilengen yol-yoruqqa köre baqılacaqtır.