E.g., 30.06.2022
E.g., 30.06.2022
E.g., 30.06.2022
E.g., 30.06.2022
E.g., 30.06.2022

2022 s. 340tan ziyade DAKniñ qorantası imtiyazlı ipoteka kreditlerini alacaq

Опубліковано 11 January 2022 року, о 12:40

2022 s. Almaniya Ükümetiniñ yardımınen Ukraina Ükümetiniñ yerine ketirgeni «Devlet içinde alınğan kişiler içün mesken» programması çerçivesinde 340tan ziyade DAKniñ qorantası imtiyazlı ipoteka kreditlerini alacaq.

Donetsk, Lugansk vilâyetleriniñ ve Qırım Muhtar Cumhuriyeti, Aqyar şeerindeki insanlar aqlarınıñ, vaqtınca işağl etilgen topraqlarınıñ deokupatsiya ve reintegratsiya meseleleri, milliy azlıqlar ve milletlerara munasebetler eyyetiniñ oturışında Ukrainanıñ vaqtınca işğal etilgen topraqlarınıñ reintegratsiya meseleleri naziriniñ ilk muavini Rostıslav Zamlınskıy bunı ayttı.

«Bu sene «Devlet içinde alınğan kişiler içün mesken» programması içün 408,13 mln grn esapqa alındı. Şimdi ise DAKnen 126 mln grivnalıq 110 añlaşma imzalandı. Kreditni almaq içün namzetlerniñ saylanmasınıñ nevbetteki etapı oktâbr ayınıñ 12-sindedir. Kelecek 2022 senesi bu programma içün 465,33 mln grn esapqa alınacaq. Bu, 342 qorantağa imtiyazlı kreditlerni bermege imkân yaratacaq. Bir qorantanıñ azalarınıñ sayısı orta köstergicine köre kelecek sene 700den ziyade DAK öz meskenni ala bilecekler», - dep Zamlınskıy qayd etti.

O, 70/30 şeklindeki (fiyatınıñ 30%-i yerli bücetten, 70%-i ise devlet bücetinden ayırılmaqta) DAK içün mesken almaq içün bücet programmasınıñ neticelerini añlattı. Onıñ sözlerine köre, mezkür programma içinde yani 2017 senesinden 2020 senesine qadar deyerli 1000 DAKni meskennen temin ete bildi.

«2020 sensine köre, bu sene mezkür programma içün ayırılğan paranıñ cemisi 6 qat daa büyüktir - 20den 125ke mln grn. Bugün endi 900den ziyade DAK içün 320 mesken obyektini almaq içün 96,3 mln grivnalıq 95 teklif tasdıqlandı. Yani tek bir sene içinde 4 yıllıq programmada olğanı qadar çoq sayıda DAKni meskennen temin ete bildik», - dep Zamlınskıy hulâsa çıqardı.