E.g., 11.08.2022
E.g., 11.08.2022
E.g., 11.08.2022
E.g., 11.08.2022
E.g., 11.08.2022

3V leyhası çerçivesinde Lugansk vilâyetinde Agrohab qurulacaq

Опубліковано 09 February 2022 року, о 09:38

Lugansk vilâyetine iş ziyareti çerçivesinde Lugansk vilâyetiniñ Severodonetsk rayonınıñ Skargivka köyünde Dünya bankınıñ parasınen temin etilgen ve Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ (Reintegrastiya nazirligi) yerine ketirgeni "Şarqiy Ukraina: yanıdan birleşüv, yañıdan tiklenüv, yañıdan yaratıluv"  leyhası (3V Leyhası) taqdim etildi.

3V Leyhasını kirsetüv reberi Roman Plis, agromüessiselerniñ toplanuv üçköşeliginde, bölge merkezi olğan Severodonetsk şeerinen Starobilsk, Savtivsk rayonlarında ve Ükümetniñ nezareti astındaki Lugansk vilâyetiniñ başqa şeerlerinde mezkür saanı yañıdan tiklemek ve yañartmaq, klaster yönelişinen kiçik ve orta agrobiznesni desteklemek ve yol astyapısını yañıdan tiklemek içün  fermacılarğa, çiftlik müessiseleriniñ vekillerine 3V Leyhasınıñ maqsadınıñ, Lugansk vilâyetiniñ köy hocalığına yatırım yapmaq olğanını añlattı.

"Leyha 2025 senesine devam etilecek. Onı yerine ketirmek içün Dünya bankı 100 million dollar yollaycaq: yollarnı qurmaq içün - 65 million dollar, Lugansk vilâyetiniñ agrar sektorı içün 35 milllion dollar", - dep Roman Plis ayttı. 

Onıñ sözlerine köre, 3V Leyhası çerçivesinde Lugansk vilâyetinde çiftlik ve ğıda mahsulatını teşkirmek içün vilayet laboratoriyasını, boğday elevatorınen agrohabnı, cemiyet boşluğınen ve yaş agromonlar içün trening merkezinen boğdaynıñ keyfiyetini teşkerecek zemaneviy laboratoriyanı qurmağa planlaşılır. Bundan ğayrı, 3V Leyhası, kiçik ve orta bizneske yardım etmek içün agroklasterlerni yaratuvnı esapqa alır. Bu cümleden, öldürme istisal hanesini, suvutqıç kompleksini, kiçik fermacılar içün çiftlik tehnikasını kirağa alma klasterini, sebzecilik ve yemişçilik klasterlerini qurmağa tüşünilir.

"Şimdi leyhanıñ kontseptsiyası bitilir, kelecek sene çiftlik ve ğıda mahsulatını teşkirmek içün vilayet laboratoriyasını, bundan soñ da agrohab ve agroklasterlerni qurma işleri başlamalı. Qurulğan astyapınıñ talaplı ve faydalı olmasını isteymiz, bunıñ içün fermacılar ve agroistisalcilerni işdeşlikke çağıramız", - leyahnı taqdim etkende Roman Plis dep bildirdi. 

Reintegratsiya nazirliginiñ, ortaqlarınen leyhalarnı yerine ketirgen vaqıt em de Donetsk ve Lugansk vilâyetleriniñ iqtisadiy inkişaf strategiyasını azırlağanı müimdir. 2022 s. yanvar ayınıñ 1-inde Strategiya başlamalı. Prioritetli inkişaf topraqlar ve klasterlerni tesbit etüv vastasınen yatırım yapmaq; müessiselerniñ kârınıñ parçasını öz inkişafına yañıdan yatırım yaparaq bergi imtiyazlarını kirsetmek; halqara ticaret akemlik standartlarını tarqatmaq; arbiy-siyasiy telükelerni sigorta etmek; astyapını inkişaf etmek içün Strategiya, imkânlar ve stimullarnı yaratuvğa esaslanır.