burger

Arbiy areketler zonalarında ya da VİET yerleşken ve qırşavlanğan cemaatlarnıñ akual cedveli yañartıldı

Опубліковано 2 May 2022 року, о 14:20

Reintegratsiya nazirliginiñ emrinen tasdıqlanğan territorial cemaatlarnıñ cedveli turğan degil – olar er vaqıt yañartılır, ve onıñ temelinde mayıs ayınıñ 1-inden devlet içinde alınğan kişilerge ödemeler yapılır.

2022 s. aprel ayınıñ 30-ı itibarınen arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ yañartılğan cedveline Mıkolayıv vilâyetiniñ 11 cemaatı qoşuldı.

Umumen mezkür cedvelge 8 vilâyet kirsetildi. Bu, Dnipropetrovsk (2), Herson (49), Harkiv (51), Mıkolayıv (15), Donetsk (tüm 66), Lugansk (tüm 37), Odesa (1) ve Zaporijjâ (49) vilâyetleriniñ territorial cemaatlarıdır.

Demek ki, 2022 s. mayıs ayınıñ 1-inden mezkür cemaatlarda qayd etilgen devlet içinde alınğan kişilerge devletten kefaletli tarzda yardım alacaqlar.

Haberdar etkenimiz kibi, mezkür Cedvel, Mudafaa nazirliginiñ tasdılamasınen ve maqbul vilâyet, Kıyv şeer arbiy memuriyetleriniñ teklifleri esasında şekillendirilir.

Esaslanğan üç kriteriy bar:

  • vaqtınca işğal etilgen topraqlar;
  • qırşavlanğan (bloklanğan) topraqlar;
  • faal arbiy areketler olğanı topraqlar.

Böylece, mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da sıcaq hat vastasınen) ve malümatnı soraya bilirsiñiz.

Qoşmağa isteymiz ki, Reintegratsiya nazirligi, Raqam nazirliginen beraber vaqtınca işğal etilgen, qışavlanğan (bloklanğan) ve faal arbiy areketlerniñ olğanı topraqlar kerçek vaqıtlı olaraq kösterecek bir raqamiy platformanı testley.