burger

“Ayat yolu”nı bloklaylar, mekteplerni ve hastahanelerni hırsızlaylar – olğanı kibi duşman

Опубліковано 11 May 2022 року, о 21:01

Lugansk vilâyetinde duşman, çoq obyektlerniñ ve naqliyat ağınıñ nişanlı ateşlerini kerçekleştirmeniñ uyğun olğanı mevamlarda yerleşti. Soñ viranelik vaqiaları, Popasna rayon suv kanalı ve Lısıçansk yanındaki yüksek voltlı elektrik ağı. Qaza yeri er vaqıt ateş astında, bunıñ içün onı incelemek ve temir etmek imkânsız.

Mayıs ayınıñ 11-inden itibarınen

LUGANSK VİLÂYETİ

Rus tecavuzı sebebinden Lugansk vilâyetinde 43 meskün yer yani 128,4 biñ qullanıcı elektriksiz qaldı. Tüm vilâyetinde erkezleştirilgen suv teminatı yoqtur: suv tek ketirilir. Er kün qurtarıcılar bunı yaparlar.

Gaz meselesi o qadar büyük ki, olarğa saip olğanlarnı aytmaq daa qolaydır. Olar arasında tek 6 meskün yer (üçü tamamınen ve üçü qısmen) – 45,4 biñ abune. Şu anda Lugansk vilâyeti kommunikatsiyasız yaşay. Azat meskün yerlerinde ışıq, suv, gaz ve mobil alâqası yoq.

İşğalciler pek mğim olğan Lısıçansk-Bahmut yolunı ateşke tutmağa devam eterler. O boyunca qalğanlar (40 biñden ziyade sakin) içün gumanitar yük ketirilir. Ayat telükesi sebebinden olar tahliye etemeyler.

Ruslarnıñ maqsadı, Lugansk vilâyetini diger vilâyetlerden kesmek, tahliye ve gumanitar yük ketirilgeni yolunı qapatmaqtır. Ukraina Silâlı Quvetleri işğalcilerni “ayat yolundan” daa uzaqqa taşlar taşlamaz tahliye devam etecek.

Popasna etrafında, Rubijnede ve Voyevodkada küreşler devam eter, qorçalayıcılarımıznıñ cenkleşmege devam etkenleri Bilohorodkada ateşler bar.

Nıjnye, Toşkivka ve Orihove rayonlarında duşman neticesiz ücüm areketleri yapa edi.

Keçenlerde işğalciler Ğirskeni ateşke tuttılar. Mahsus ihtiyaclarnen balalarnıñ oquğanları vilâyet mahsuslaştırılğan mektebiniñ binası bozıldı. Bu, zemaneviy tamirnen ve yañı donatmanen bir müessise edi. Bahtına, oquyıcılar bundan evel tahliye ete bildiler.

Severodonetsk gazsız qaldı, musafirhane viran etildi, binalarnıñ üçte biri yaşama içün uyğun olmay. Vrubivkada altı mesken ev ve medeniyet evi viran etildi. Rubijnede üç ve Lısıçanskta ise eki çoq qatlı ev yoq etildi. Bu cedvel de pek uzundır.

Kreminnadan rus tecavuzcıları hastahanelerden ve mekteplerden donatmalarnı alıp çıqarırlar. Şeerni işğal etken soñ olar Lugansk vilâyet arbiy litseyiniñ platsında öz bayrağını astılar ve fasadtan “Ukrainağa şañ-şerefler olsun!” ifadesini yazdılar. Bundan soñ tüm odalarnı çaypadılar. Zemaneviy kompyuter, ofis ve diger tehnikasını rusiyege ketirdiler. Qışlalardan, aş odasından, anbar odalarından er şey alıp çıqara ediler. Faydalı bir şey tapmağa tırışqanda tasil müessisesiniñ er bir santimetrini teşkerdiler.

Mektepler de malı-mülkünden “azat etildi”.

Tibbiy şeerçikniñ taqdiri aynı oldı. Yerliler, ruslarnıñ hastahanelerimizniñ donatmalarından ayrette qalğanlarını añlatalar. Bunıñ içün endi işğalniñ ilk künlerinde donatmanı alıp onı Luganskqa ve rusiyege ketirmege başladılar.

Dercde, Lugansk vilâyet devlet memuriyetiniñ resmiy Facebook saifesinden ve Lugansk arbiy memuriyetiniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.