Yañı oquv senesi başlamadan evel The HALO Trust Minasızlaştırma halqara hayriye fondunen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirligi Kıyiv şeerindeki ‘Prestıj’ litseyiniñ talebeleri içün patlayıcı şeylernen bağlı telükeni ögretmek maqsadınen online şeklinde bir ders alıp bardı.

Oña ana-babaları ve ocalarınen beraber 5-11 sınıflarnıñ 74 talebesi qatıdı. Online dersi vaqtında iştirakçiler patlamağan mina ya da patlayıcı şeyni tapqanda özüni tutma qaidelerini ögrendiler. Em de ateşler devamında areketler talimatını ögrendiler.

Bağlantığa basıp Reintegratsiya nazirliginiñ veb-saifesinde bu dersni seyir etmek ve yüklemek mümkün.

The HALO Trust hayriye fondu Reintegratsiya nazirliginiñ ortağı ve 30 sene dünyanıñ 28 ülkesinde minasızlaştırma saasında çalışqan nufuzlı halqara ükümetsiz teşkilât ola. Bu Fond, Britaniya qıral qorantası ve AQŞ devlet departamenti tarafında destek etile.

Umumen 2014 senesinden Ukrainada The HALO Trust minasızlaştıra ve 2022 senesi avgust ayında ukrain topraqlarınıñ 4,2 million kvadrat metrini mina ve patlamağan bombalardan temizletti.

Hatırlatamız ki, keçenlerde Reinetgratsiya nazirligi minasızlaştıruv faaliyeti dünya malümat programmasına qatılacaq.