E.g., 27.09.2022
E.g., 27.09.2022
E.g., 27.09.2022
E.g., 27.09.2022
E.g., 27.09.2022

«Çongar» ve «Qalançaq» KÇYKlerinde COVID-19ğa qarşı vaktsinatsiya başlandı

Опубліковано 03 December 2021 року, о 10:22

Bugünden başlap Vitse-baş nazir – Ukrainanıñ vaqtınca işğal eilgen topraqlarınıñ reintegratsiya meseleleri naziri İrina Vereşçuk yardımınen vaqtınca işğal etilgen Qırımnıñ ve Aqyar şeeriniñ sakinleri «Çongar» ve «Qalançaq» KÇYKlerinde COVID-19ğa qarşı vaktsina yaptıra bileler.

Böylece, Bazartesi kününden Cuma kününe 09:00den 15:00qe qadar 1 ekim ve emşireden ibaret olğan mobil brigadaları çalışacaqtır. Aşılav noqtalarında Pfizer, Moderna ve Coronavac vaktsinaları mevcut olmaqtadır.

«KÇYKlerindeki vaktsinatsiya yapıluv, Herson VDİsinen beraber tez eda ete bilgenimiz prioritetli vazifelerden biri edi. Şimdiden başlap qırımlılar, keyfiyetli tibbiy hızmetlerni tamam KÇYKlerinde ala bilecekler. Bu, Qırım MC ve Aqyar şeeriniñ Herson vilâyetinen idare sıñırlarından keçme ceryanını pek qolaylaştıracaqtır», - İrina Vereşçuk dep bildirdi.

Vaktsinatsiya noqtalarınıñ, kiriş-çıqış yoqlav keçitlerinde kerekli levazimatı olğanını ve kerekli manipulatsiyalarnı yapacaq tibbiyet hadimlerinen teminlengenini qayd etmek kerek. Vaktsina yaptırğan soñ vatandaşlar ilk aşı sertifikatını alacaqlardır. Vaktsinatsiya malümatı elektron tibbiyet sistemasına kirsetilecektir.

VİETnıñ sakinleriniñ, DSST tarafından tanılğan vaktsinalarnen aşı yaptırma ihtiyacını noyabr ayınıñ 22-23ünde Herson vilâyetine iş ziyaretinde İrina Vereşçuknıñ qarşılağanını hatırlatamız. Nazirliknen işdeşligi neticesinde vilâyet devlet idaresinde iş toplaşuvı keçirildi. Anda KÇYKlarındaki aşı noqtalarınıñ turğun işlemesini temin etüv yolları işlep çıqarıldı.

Qoşma malümat. Şimdi Herson vilâyetinde 635 biñden ziyade COVID-19ğa qarşı vaktsina dozası qullanıldı. Keçken kün 4340 kişi vaktsina yaptırdı. Şimdiki vaqıtta Ukrainada 25 milliondan ziyade COVID-19ğa qarşı aşı yaptırıldı.