E.g., 11.08.2022
E.g., 11.08.2022
E.g., 11.08.2022
E.g., 11.08.2022
E.g., 11.08.2022

DAK içün ödemeler Diia qullanımı vastasınen nasıl alına bilir: talimat

Опубліковано 14 June 2022 року, о 07:20

Devlet içinde alınğan kişiler içün Diia qullanımındaki faydalı hızmetler aqqında haberdar ettik (hiperbağlantı). Şu anda eñ rağbetlilerden biri DAK içün Ödemeler.

2022 s. iyün ayınıñ başlanğıcından itibaren Ukainada 4 mlndan ziyade devlet içinde alınğan kişi qayd etildi. Soñ afta olarnıñ sayısı deyerli 42 biñ kişige arttı. Misal içün, deyerki 2 mln DAK qorantası mart-aprel ayları içün yaşama yardımını aldı. Bu, bu statusnı alğan vatandaşlarımıznıñ deyerli er ekincisi.

Buña baqmadan tüm köçip kelgenlerniñ devletten maliyeviy yardımğa ihtiyac duya. O da Diia qullanımında esapqa alındı.

DAK İÇÜN YAŞAMA ÖDEMELERİ ALINA BİLİR

Diqqat!

Laf, yetişken içün 2 biñ grn, saqatlılar ve balalar içün ise 3 biñ grn aqqındadır.

Bu ödemelerni evlerinden ayırmağa mecbur qalğan, amma Ukrainada qalğan kişiler ala bilirler.

Mezkür kompleksli hızmet em online, em de offline olaraq işley.

Diiada online olaraq

Yetişkenler içün:

1. Diia qullaınımı yañartıp avtorizatsiya yapıñız.

2. DAK statusını almaq içün ariza yollañız.

3. "Malümat kâğıtını almağa isteyim"ge basıñız.

4. Para almaq içün yePidtrımka kartını saylañız. Bu tür kartıñız olmasa - onı vesiqalaştırıñız.

Balalar içün vesiqalaştırma:

1. Diia qullaınımı yañartıp avtorizatsiya yapıñız.

2. DAK statusını almaq içün ariza yollañız.

3. Aktual adresni yazıñız.

4. Geolokatsiya yardımınen öz bulunma yeriñizni tasdıqlañız.

5. Balanı doğma malümatnamesi avtomatik olaraq peyda olmasa, özüñiz onı ilâve etiñiz.

6. "Malümat kâğıtını almağa isteyim"ge basıñız.

7. Para almaq içün yePidtrımka kartını saylañız. Bu tür kartıñız olmasa - onı vesiqalaştırıñız.

Offline:

1. MHMne, ealini içtimaiy qorçalama organına ya da yerli akimiyetniñ vekillerine hitap etiñiz.

2. Kimlik ve Ukraina vatandaşlığı vesiqalarıñıznı alıñız.

3. Statusnı almaq içün vesiqalarnıñ nizamli cedvelini ketecegiñiz MHMnde ögreniñiz.

4. Pasportta maqbul bölgelerden birinde yaşama yeriniñ qayd etilmesi olmasa, bunı tasdıqlağan bir vesiqa alıñız: arbiy bilet, emek defteri, mülk aqqı vesiqası v.b.

Hatırlatamız ki, DAK içün ödemelerni alma hızmeti, arbiy areketler zonalarından, VİETdan ya da qırşavlanğan topraqlardan köçken ukrainalılar tarafından alınba bilir.

Daa bir faydalı hızmet - DAK içün para yardımını toqtatma. Bu bölükte yaşama masraflarınıñ aylıq tazminatını toqtatmaq içün ariza yollamaq mümkün.

HIzmet nasıl alına bilir?

Online:

1. Elektron imza ya da BankID vastasınen diia.gov.ua'daki Vatandaş kabinetinde qayd etiñiz ya da avtorizatsiya yapıñız.

2. Portaldaki "Hızmetler" menüsinde bu hızmetni saylañız.

Siz DAK olmasañız ya da bundan evel para yardımını almasañız, siziñ içün bu hızmet irişilmez olacaq.

3. Qullanıcı porifinde bilgileriñizni teşkeriñiz, kerekli olsa olarnı yañartıñız.

4. Keçkende yollanğan DAK içün para yardımı arizanen tanış oluñız. Evelki arizada bildirilgen aile azaları içün ödemelerni toqtatma arizañızdan soñ ödemeler yapılmaycaq.

5. Şekillendirilgen DAK içün para yardımını toqtatma arizasınen tanış oluñız, elektron imzañıznı ilâve etiñiz ve yaşama yeriñizge köre ealini içtimaiy qorçalama organına yollañız.

Kerekli şartlar arasında DAK statusı, evelden DAK içün para yardımını alma ve onı almağa bitirme niyeti ve bergi nomerañız ve elelktron imza.

Offline:

DAK içün para yardımını almağa bitirmek içün (bulunma) yaşama yerine köre maqbul territorial cemaatnıñ köy, qasaba, şeer şurasınıñ icra organı, MHM ya da poçta vastasınen muayyen organğa hitap etmek kerek.

O yerge para yardımını toqtatma arizası berilir.

Territorial cemaatnıñ köy, qasaba, şeer şurasınıñ icra organı ya da MHM yollanma künündne üç iş künü içinde kerekli vesiqalarnen kelecek aynıñ 1-inden bu tür yardımnı ödemesini toqtatacaq arizanı yollay.

Hatırlatamız ki, Raqam nazirliginiñ ihtisaslarınen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Raqamiyleştirme direktoratı Diia qullanımınıñ bir qaç leyhasınıñ azırlanmasında ve yerine ketirilmesinde iştirak etti. Bu cümleden, mütehassıslarımız normativ-uquqiy aktlarğa deñişmelerni işlediler, tehnikiy vazifelerni azırladılar ve tasdıqladılar.

Yaqın kelecekte Diia.imza vastasınen pensiya ödemelerini almaq içün uzaqtan identifikatsiya hızmetiniñ hususiyetlerini ögreneceksiñiz.