burger

Devam etken (bitken) arbiy areketler ya da vaqtınca işğal etilgen topraqlar yañı cedveli: qullanuv talimatı

Опубліковано 13 January 2023 року, о 14:35

Keçken seneniñ soñunda Ükümet, arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlar tek cedvelini şekillendirüv usulını tayinlegen № 1364 qarar berdi.

2022 senesi dekabr ayınıñ 22-sindeki Reintegratsiya nazirliginiñ № 309 emrinen tasdıqlanğan territorial cemaatlar yañı cedveli tasdıqlandı.

Cedvelde qayd etilgen topraqlar şunlarına bölüneler: rusiye federatsiyasınıñ işğal etkeni topraqlar, devam etken (bitken) arbiy areketler topraqları. Aynı zamanda devam etken (bitken) arbiy areketler topraqları şunlarına bölüneler: mümkün olğan arbiy areketler ve aktiv arbiy areketler topraqları.

Qaysı kriteriylerge köre bu topraqlarnıñ mümkün olğan ve faal arbiy areketler topraqlarına ait olğanlarını añlatamız.

Böylece, faal arbiy areketler topraqları:

– arbiy çatışma sızığında olğan ya da vaqtınca işğal etilgen topraqlarnen sıñırdaş olğan;

– şu anda böyle topraqlarda devlet vazifelerini (şu cümleden, halq ögündeki elektron sicillerge irişim saasında) tamamınen yerine ketirilemeyler ve ealiniñ ayatı ve sağlığına telüke bar.

Mümkün olğan arbiy areketler topraqları şöyledir:

– ya faal arbiy areketler topraqlarınen ya vaqtınca işğal etilgen topraqlarnen sıñırdaş olğan ya da tecavuzcı bir devletniñ sıñırdışı olğan;

– ealiniñ qaytamağanı ve devlet vazifeleri yerine ketirilemegen, bazı zamanlarda duşman ateşleri astında bulunır.

Diqqatıñıznı celp etemiz ki, şu cümleden, devlet içinde alınğan kişilerge ödemeler yapmaq, devlet mülkiyetini şahsiyleştirmek, oquv yurtlarına sadeleştirilgen kirmek, halq ögündeki elektron sicillerge irişim bermek içün tasdıqlanğan cedvel qullanılacaq. Aynı zamanda faal arbiy areketler topraqlarında ve VİETda siciller bloklanır ve maqbul mezatlar yasaqlanır.

Aynı zamanda devlet içinde alınğan kişiniñ yaşayışı içün yadım, rusiye federatsiyasınıñ işğal etkeni ve arbiy areketlerni bitirüv tarihı (mümkün olğan arbiy areketlerni bitirüv tarihı) belli olmağan topraqlarnıñ saknlerine ödenir