E.g., 25.09.2022
E.g., 25.09.2022
E.g., 25.09.2022
E.g., 25.09.2022
E.g., 25.09.2022

Devlet içinde alınğan kişiler Diia vastasınen malümat kâğıtını nasıl ala bilirler? - talimat

Опубліковано 13 June 2022 року, о 08:33

Cep telefonınıñ ve internetke irişimniñ mevcut olması, cenk sebebinden devlet içinde köçken vatandaşlarnıñ ayatını yüksek derecede qolaylaştırır. Diia qullanımında devlet içinde alınğan kişiler bir qaç faydalı elektron hızmet qullana bilirler. Qaysı? - yaqın kelecekte yayınlanacaq malümat bu aqqında olacaq.

Qayd etemiz ki, Raqam nazirligimiñ ihtisaslarınen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Raqamiyleştirme direktoratı Diia qullanımınıñ bir qaç leyhasınıñ azırlanmasında ve yerine ketirilmesinde iştirak etti. Bu cümleden, mütehassıslarımız normativ-uquqiy aktlarğa deñişmelerni işlediler, tehnikiy vazifelerni azırladılar ve tasdıqladılar.

Diqqatıñızğa - malümat taqımından biridir. Bu, Diiada avtorizatsiya keçirmek içün tevsiyeler. DAK malümat kâğıtını em alma, em de qullanma yol-yoruğını añlatacaqmız.

DEVLET İÇİNDE ALINĞAN KİŞİ (DAK) İÇÜN MALÜMAT: 6 SICAQ SUAL

Hatırlatamız ki, bu vesiqa, devlet tarafından esapqa alınğan içtimaiy ödemelerni almağa imkân berir. Birinciden cep telefonına Diia qullanımını qurup avtorizatsiya yapmaq kerek. Bank-ID vastasınen Diiada kişi aqqında tüm alına bilgen bilgiler ve vesiqalar avtomatik olaraq kösterilecek.

Diiada DAK malümat kâğıtı, başqa er bir vesiqa (pasport, aydayıcı kâğıtı v.b.) kibi elektron şekilde kösterilir.

  1. Diia qullanımına DAK kâğıtı nasıl ilâve etilir?

Qullamında avtorizatsiya yapılqan soñ maqbul sicillerde tüm kerekli bilgiler olsa Diiada devlet içinde alınğan kişi malümat kâğıtı kösterilecek. Malümat kâğıtı peyda olmasa, yaşama yerine köre içtimaiy qorçalama organlarına hitap etmek kerek.

  1. Diia vastasınen DAK malümat kâğıtı nasıl alınır: talimat

Hızmet, arbiy areketler ya vaqtınca işğal astında bulunğan ya da qıriavlanğan rayonlarında yerleşken territorial cemaatlardan köçken vatandaşlar içün irişilir.

Diiada DAK malümat kâğıtını almaq içün Hızmetler bölügine - DAK statusını almaq dögmesine basıp arizanı bermek kerek.

Bundan soñ bu aşağıdaki bilgiler bermek kerek:

  • şimdi bulunma yeri (geolokatsiya vastasınen tasdıqlamaq);
  • siznen olğan balalarnıñ bilgileri;
  • yePidtrımka kartınıñ bilgileri;
  • bulunma yerindekşi ihtiyacları (tibbiy hızmetler, tasil ya da gumanitar yardım v.b.).

Bir qaç kün içinde DAK malümat kâğıtı Diiada peyda olacaq, bilgiler işlengen soñ yePidtrımka kartına para ödenecek.

  1. Ne içün Diia vastasınen DAK statusını vesiqalaştırğanda programma bazıda hata kösterir?

Bu, aynı zamanda qullanıcılarnıñ büyük sayısı kirmege tırışqanda sistema artqaç yüklengen ola bilir. Böyle olsa, bir qaç daqiqa soñ yañıdan kirmege tırışıñız.

Bulunma yerine köre, içtimaiy qorçalama ve emek idaresinde de DAK statusı alına bilir.

  1. DAK malümat kâğıtı daa qaysı yerlerde alına bilir?
  • Köy, qasaba, şeer şuralarınıñ idare ogranlarında;
  • memuriy hızmetler merkezlerinde;
  • rayon, Kıyıvnıñ ve Aqyarnıñ rayonlarınıñ devlet memuriyetleriniñ, şeer ve (mevcut olsa) şeerdeki rayon şuralarınıñ icra organlarınıñ eailni içtimaiy qorçalaması meseleleri bölüklerinde.
  1. Hızmet nasıl yaptırılır?

Şahsen ya da qanuniy vekili hızmet almaq içün ariza bere bilir.

Hızmet bedavadır.

  1. DAK malümat kâğıtı ne içün kerek?
  • banklarda esap açmaq içün;
  • ukrain vatandaşınıñ pasportını yañıdan vesiqalaştımaq ya da yañı foto tutqallamaq içün;
  • içtimaiy ödemeler ve tazminat almaq içün;
  • yaşama yerine köre bergi ödemek içün;
  • İİNniñ hızmet merkezlerinde;
  • mektepke ya da bala bağçasına bala bermek içün.

Diiadaki DAK malümat kâğıtınıñ uquqiy küçü, Ukraina Nazirler Kabinetiniñ 2014 s. oktâbr ayınıñ 1-indeki  № 509 emrinen tesbit etildi.

Yaqın kelecekte Diia.imza vastasınen pensiya ödemelerini almaq içün uzaqtan identifikatsiya hızmetiniñ hususiyetlerini ve DAKge para yardımını bitirme imkânını ögreneceksiñiz.