burger

Duşman eviñizni viran etti: yañı ayatnı ne yerde başlatmaq?

Опубліковано 27 April 2022 року, о 19:25

Rusiyeniñ silâlı tecavuzı sebebinden 10 milliondan ziyade ukrainalı evinden mecburen ayırdı, vatandaşlarımıznıñ büyük sayısınıñ meskeni viran etildi. Şu anda duşman tarafından ne qadarnıñ viran etilgenini tahmin etmek zor, faqat on millionlarca metr kare – biñlerce çoq daireli ev olğanı açıqtır.

Vaqtınca mesken: modul formulası

Evini coyğan er kesni yerleştirmek içün çoq vaqıt kerek. Faqat endi şimdi insanlar bir yerde yaşamalılar. Bunıñ içün, devlet mehanizmlerni, maliyeviy resurslarnı, halqara yardımnı qırıdır. Laf, tez amma vaqtınca qararlar ve muntazam meskenniñ inşaatı leyhaları aqqındadır.

Bu tür adımlardan biri, aprel ayınıñ 20-sinde Ükümet tarafından vaqtınca yaşama içün mesken fondalarnı şekillendirme yol-yoruğınıñ tasdıqlanması oldı. Bu qarar, mecburen köçip kelgenlerniñ meskennen temin etilmesi mehanizmini kenişlete ve akimiyetniñ DAKniñ meselelerini çezme kompleksli işiniñ bir parçası ola. Nazirler Kabineti, vaqtınca yaşama içün mesken fondnı şekillendirme yol-yoruğını, bunıñ sicilini ve onıñ devlet içinde alınğan kişilerge berilmesini ve kelecek satın alınmasını tasdıqladı ve bu tür meskenniñ nasıl inşaat etilecegini tesbit etti.

Keçenlerde Volodımır Zelenskıynıñ tizgeni mesken astyapınıñ yañıdan qurulma meseleleri mahsus muşaveresinde, cenkten zarar körgen meskğn yerler içüm vaqtınca mesken eñ çoq kerçek leyhaları arasında uzun vaqıt devamında yaşana bilecegi mahsus modul şeerçikleri edi. Aynı zamanda Prezident, mesken asatyapınıñ yañından qurulması ya da inkişaf etilmesi tüm leyhalarınıñ ukrainalılarnı evlerine qaytarmağa çaqsatlamağa kerekligini qayd etti.

Ukrainada, 1 biñge qadar DAKnı yerleştire bilecek daa uzun sürekli yaşama içün büyük masştablı modul binalarınıñ inşaatı eni mevcuttır. Mında yerli territorial cemaatlarda uzun vaqıt içün qalmağa istegenler yaşaycaqlar. Halqara ortaqlarnıñ bu bölgege uzmanlarnen ve kerekli donatmanen yardım etmege azır olması müimdir.

Şu anda tesbit etilgen bölgelerdeki vilâyet memuriyetleri, devlet içinde alınğan kişiler içün vaqtınca meskenniñ inşaat etilmesi içün tez topraqnı ayrıpı berme vazifesini aldı. Daa şu anda bölge akimiyeti, birinci nevbetteki olaraq sığınma ihtiyacı olğan kişilerniñ cedvellerini tertip ete. Birinciden bu, eñ yaramay şartlarda olmağa zorlanğanlardır: spor zallarında, mekteplerde vb.

Bu programmalarnıñ ve teşebbüslerniñ nasıl kirsetilgeni, Lehistan Ükümetiniñ desteginen köçip kelgenler içün bir konteyner şeerçiginiñ açılğanı İlbav misalinde körüle bilir. Daa bölge cemaatları, kçip kelgenler içün mesken inşaat etmege başlaya bilecekleri 582 gektardan ziyade ölçeli 92 arsadan ‘baret ol[an tek bazanı şekillendirdi. Beñzegen arsalar Poltava, Kropıvnıtskıy vb. kibi diger bölgelerde zaten tesbit etildi.

Uzun vaqıt içün mesken: tez amma keyfiletli

Arbiy areketlerniñ devam etmegeni bölgelerde yañı binalarnıñ qurulacağı şimdiden bellidir. Zemaneviy tez inşaat tehnologiyalarnı qullanaraq tipik leyhalarğa mücibi inşaat etecekler. Çalışmalar devlet, Yaşlar içün mesken binalarını qurmağa yardım etken devlet fondunıñ nizamname kapitalı, yerli bücetler, halqara donorlar, şahsiy ve uquqiy kişilerniñ göñülli bedelleri e-ve diger qaynaqlardan paranen temin etilecektir.

Cenk devam etkenine baqamdan devlet, arbiy areketler sebebinden meskenni coyğanlar içün daimiy mesken qurmağa başlay. Bu tür evler 10 bölgede qurulacaq, 3-4 ayda tamamlana bilecek leyhalar tercih etilecek. Tüm bu dairelerniñ (çoqluğında bir ve eki odalı) temir, mebelnen ve ev tehnikasınen teklif etilmesi planlanır.

Ucuz ve keyfiyetli mesken inşaat etmek içün variantlar bermeleri içün bölgelerdeki qurucılarnen müzakereler endi deavm ete. Vazifeniñ ölçegi, ilkiniñ tahminen dört ay içinde qullanılması planlanğan on biñlerce dairedir.

Vaziyetten çıqmanıñ başqa bir yolu da alâ daa işletmege alınmağan, faqat aslında azır olğan evlerni satın almaqtır. Ögündemizdeki ay devletniñ olarnı satın almağa ve köçip kelgenlerge bermege başlaması planlanır.

Bu ceryanğa tek halqara ortaqlar degil, aynı zamanda ukrain biznesi de qatılır. Şirketler, çoq qısqa vaqıt (atta bir qaç kün) içinde ve mümkün olğance tutumlı şekilde, faqat meskenniñ keyfiyetini tüşürmeden mesken inşaat etmege yardım etecek tehnologiyalar aqqında daa çoq ilân eteler.

Cenk sizni ebvsiz qaldırğanında ne yapmalısıñız?

Birinciden ümütsizlikke dalmamaq. Devletniñ, cenk vaqtında evleriniñ zarar körmesi ve yıqılması içün ukrainalılarğa tazminat bermege azırlanğanı añlaşılmalıdır. Hususan laf, para yerine 150 m2ge qadar ölçeli meskenniñ berilmesi aqqındadır. Meskenni coyğan kişilerniñ sıñırlı qullanma aqqınen (tamir işleri, inşaat ya da yañı mesken almaq içün) para tazminatını ala bilecekleri planlanır. Büyükligi, ğayıp eşya ya da zararnı qıymetlendirilgen soñ tesbit etilecektir.

Hatırlatamız ki, mart ayınıñ 30-ında “Diia” qullanımında rfnıñ Ukrainağa tolu masştablı tecavuzı vaqtında bozulğan mesken aqqında arizanı bermek ve meskenniñ yañıdan qurulmasınen bağlı programmağa qatılmaq mümkün. Bağlantığa basıpbu programmanıñ iştirakçisi basıl ola bilecegiñizni añlatqan video talimatını seyir etiñiz.