İşğal sebebinden uzun vaqıt boyunca Harkiv vilayetiniñ bazı rayonlarınıñ sakinleri dünyadan kesilgen ve medeniyetniñ eñ adiy şartlarına irişimsiz edi. Şimdi işğalden azat etilgen topraqlarğa yavaş yavaş yaşayış keri qayta: insanlarnıñ evlerine eñ çabik tarzda qaytmalar içün kritik astyapı yañından tiklene, naqliyat ağları yañıdan qurula, evler qışqa azırlana.

Em de logistika yañıdan tiklene – «Nova Poşta» şirketiniñ berüv noqtaları çalışmağa başldılar.

«Aynı zamanda insanlarnıñ kerekli eşyalarnı sımalaya ve yaqınlarından yardım ala bilmeleri içün kritik astyapını yañıdan qurulğanda logistikanıñ inkişafına yardımcı olmalımız. Belâğa oğraşqan insanlarnı baqmaq – bizim borcumızdır. Olarnı destek etmege ve kerekli er şeyden temin etmege devam etemiz!», – dep Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Oleksiy Boroday ayttı.

Bağlantığa basıp, Harkiv vilayetiniñ işğalden azat etilgen topraqlarında açılğan bölükleriniñ çalışma saatlerini öğrene bilirsiñiz.