E.g., 28.09.2022
E.g., 28.09.2022
E.g., 28.09.2022
E.g., 28.09.2022
E.g., 28.09.2022

İrina Vereşçuk: «Er bir ukrainalı ve epiñiz içün küreşecekmiz! Tamam bunen işğalcilerden farqlanamız»

Опубліковано 17 March 2022 року, о 07:47

Brifing vaqtında Vitse baş nazir - Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ işiniñ alını añlattı.

«Bugün bloklanğan Mariupoldan qaçmağa becergen insanlarnıñ telükesizlik teşkilâtlarına ayrıca diqqat ve ğayret kösterildi. Aynı zamanda, öz maşnalarındaki büyük insan aqını esapqa alğanda, tınç rejimini temin etmek içün bütün kün ayıtşmalar keçire edik», - dep İrina Vereşçuk añlattı.

Onıñ sözlerine köre, azıqnen ve tahliye içün avtobuslarnen sutun Mariupolğa alâ daa yol berilmedi.

«Faqat tünevin bloklanğan şeerden ketken ve Berdânskta bulunğan mariupollılarnen 15 avtobus şu anda kerekli yardımnı alğanları Zaporijjâğa ketip yetti», - dep Vitse nazir qayd etti.

Umumen Zaporijjâğa 6 426 mariupollı, 2039-ı bala keldi. Maşnalar sutunı şimdi de Zaporijjâğa ketmege devam etkemtedir.

Şu anda, bloklanğan şeerden ketmege devam etkenler içün yardım noqtalarınıñ qurulğanı Berdânskta azıq vr ilâç bulunmaqtadır.

«Yarın bu merşrut boyunca tınç rejimi aqqında aytışmalar keçirilecek. O yerden insanlarnı çıqaracaqmız. Daa Harkiv ve Kıyıv vilâyetleriniñ bloklanğan meskün yerlerine yük ketirmek içün koridorlarnı teşkil etmege planlaştıramız», - dep Vereşçuk qoştı. 

Soñunda nazir, Melitopolnıñ başınıñ işğalcilerniñ esirliginden azat etilmesine dair hoş bir haber berdi.

«Melitopolnıñ bükülmegen başımız İvan Fedorovnı esirlikten azzat etmege becerdik. Şimdi o Kıyıvğa kete. Bu operatsiyanı teşkil etken ve muvafaqiyetnen keçirgen taqımğa pek minnetdarım. Ayrıca, topraqları vaqtınca işğal etilgen tüm yerli öz idareniñ vekilleriniñ bunı duymalarını isteyim: er bir ukrainalı ve epiñiz içün küreşecekmiz! Öz vatandaşlarınıñ hayatlarını ihmal etken ve olarnı tamam ölümge yollağan işğalcilerden bu şekilde farqlımız», - dep Vereşçuk hulâsa çıqardı.