Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Norveg qaçaq işleri şurasınıñ (NRC) baş kâtibi Yan Egelannnen körüşti. Muzakereniñ baş mevzusı, Reintegartsiya nazirliginiñ NRCnen devlet içinde alınğan kişiler içün mesken meselesini çezüvge ve Ukrainanıñ Şarqındaki cebege yaqın cemiyetlerge gumanitar yardımğa dair işdeligi oldı.
«DAK içün mesken meselesini muzakere ete edik. Halqara donorlarnıñ quvetlerini berleştirüv üzerinde beraber çalışmağa añlaştıq», – dep İrina Vereşçuk bildirdi.
Bundan ğayrı, körüşüvde gumanitar qarşılıq kösterüv prioritetli yönelişleri, bu cümleden cebege yaqın cemiyetlerge yardım etüv, Milliy DAKniñ integratsiya strategiyası kontekstinde DAK içün uzun vaqtlı çezmelerni azırlamaq içün işdeşligi muzakere etildi. Daa Vitse-baş nazir, Ukrainanıñ Şarqında gımanitar vaziyetini aydınlatmaq içün halqara sanada yardımnı çeküv saasında NRCniñ rolüniñ müim olğannını qayd etti.
Reintegratsiya nazirligi ve NRCniñ işdeşligi bir qaç leyha esapqa alınır. 2020 s. NRC, RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatını berüv mehanizmini azırlmağa ve keçken sene aynı mehanizmni mükemmelleştirmege müim isse qoştı.
Daa Reintegratsiya nazirligi NRCniñ vekilliginen beraber (test rejiminde çalışqan) «Transparantlı ve Semereli Keçme Sisteması» malümat raqamiy platformasını azırladılar. O, Donetsk ve Lugansk vilâyetleriniñ, bu cümleden VİETnıñ sakinlerine sıñır sızığını keçme hususiyetleri aqqında malümat bermek içün yaratıldı. Şimdi platformannı «Reintegratsiya ve ğayrıdan tilkeme» DTniñ balansına berüv meselesi çezilmektedir.
Reintegratsiya nazirligi içün Ukrainağa halqara gumanitar yardım etüv meselesiniñ aktual olğanını hatırlatamız. 2022 s. fevral ayınıñ 2-sinde Büyük Britaniya, Kanada, AQŞ, İsveçre ve İsveçiyanıñ teşebbüsinen «Quvetli Ukraina içün işdeşlik» fondu resmen çalışmağa başladı. Eñ zayıf cemiyetlerge yardım etmege, grajdan-arbiy işdeşligini pekitmege ve Lugansk ve Donetsk vilâyetlerinde energiya semereliligini yahşılaştırmağa yönelgen ilk azırlanğan leyhalar endi tasdıqlandı.
Daa keçenlerde İrina Vereşçuk, Gumanitar yardım ve Ukrainada grajdan ealini qorçalama meseleleri avropa eyyeti (ECHO), AQŞ halqara inkişaf agentligi (USAID) ve Ukrainadaki İşsveçre elçiliginiñ İsveçre inkişaf ve işdeşlik agentligi (İİİA) kibi Ukraina içün gumanitar yardımnıñ üç esas halqara donorınıñ reberlerinen körüşti.