burger

İrina Vereşçuk: «Reintegratsiya nazirligi, tecavuzcığa qarşı malümat küreşine yönelgen strategiyanı azırlamaqta»

Опубліковано 14 November 2021 року, о 15:34

2021 s. dekabr ayınıñ 14-ünde «ДОМ» telekanalınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, kelecekte nazirlik tarafından taqdim etilecek Rusiye Federatsiyasına qarşı malümat küreşine yönelgen strategiyanı añlattı.

«Mündericeni yahşılaştıracaqmız, bu kerçekten pek müimdir, muvafaqiyet ikâyelerini bugün olarnı bilmegen insanlarğa kelmesini ketirmek kerekmiz. Kerçekten ne olğanını köstermek kerekmiz», – dep tefsir etti.

İrina Vereşçuk, Kütleviy haber vastalarınıñ vaqtınca işğal etilgen topraqlarda bulunğan insanlar arasındaki fikirlerniñ balansını köstermek kerekligini qoştı. Şimdi nazirlikte ukarin dalğalarınıñ signalını alamağan insanlarnen semereli malümat kommunikatsiyasına yönelgen bir strategiya azırlanmaqtadır.

«Üzerinde çalışmağa kerek olğanımız çoq şey bar, olarnıñ arasında em matbuat, em de internet KHV, em de radiodır. Signalnı quvetleştirmek içün bir çare tapmaq kerekmiz. Eger taktika aqqında laf etsek, böyle vazifelerimiz bar. Strategiya yazılacaq ve taqdim etileceq, biz fikirlerimizni, nazirlikniñ tecavuzcığa qarşı malümat küreşindeki rolüni taqdim etecekmiz», – dep Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri yekünledi.