burger

İrına Vereşçuk: Rusiye özek terrorlığı yapa ve ZAES etrafında VİETnıñ sakinlerini reine olaraq tuta

Опубліковано 7 September 2022 року, о 16:38

Vitse baş nazir İrına Vereşçuk, Ukraina Ükümetiniñ nezaretinde olmağan vaqtınca işğal etilgen ve AES etrafındaki topraqlarnıñ sakinlerini eñ acele tarzda kontrol etkenimiz topraqlarğa tahliye etmege çağıra. Bu da AESnen qomşulığınıñ telükelerinden qorunacaqtır.

“Ruslar ukrainalılarnı ve bütün dünyanı şantaj etmege devam eteler. Tünevin BMTnıñ Telükesizlik şurası ZAESdaki vaziyetke dair bir oturış daa bir kere keçirdi. Maskalar çıqarıldı. Rusiye devleti vastasız özek terrorcılığı yapa. Bu, insaniyet tarihında ilk vaqiadır.

Ruslar tek stantsiyanıñ hızmetçilerini reine tutmaylar. ZAES etrafındaki vaqtınca işğal etilgen topraqlarnıñ sakinleri de rine etildi. On biñlerce insan.

Reintegratsiya nazirligi atom elektrik stantsiyasınıñ etrafındaki VİETdan grajdan ealini tahliye etmek içün gumanitar koridornı rica etti. Tsinik bir süküt ise cevap olaraq aldı.

Ukraina Ükümetiniñ kontrolı astında vaqtınca olmağan ve ZAES ertfaındaki rayonlarnıñ sakinlerine muracaat etem: tahliye etiñiz! Kontrol etkenimiz toprağına ketmek bir çare tapıñız. Sizni bekleymiz ve yardım etecekmiz. Reintegratsiya nazirliginiñ sıcaq hatlarına hitap etiñiz:

1548 ya da +38(096) 078 84 33 (mobil alâqa olmağanda WhatsApp/Telegram/Viber mobil qullanımları vastasınen çalmalar ve beyanatlar içün 24 saat işlegen sıcaq hat)”,- dep İrına Vereşçuk öz Facebook saifesinde ve Telegram kanalında yazdı.