burger

İrina Vereşçuk ve Donetsk vilâyetiniñ cemiyetleriniñ başları meselelerni ve kelecek işdeşligi planlarını muzakere ettiler

Опубліковано 21 January 2022 року, о 12:00

Donetsk vilâyetine iş ziyareti vaqtında Kramatorsk şeerinde Vitse-baş nazir – Ukrainanıñ vaqtınca işağl etilgen topraqlarınıñ reintegratsiya meseleleri naziri İrina Vereşçuk Donetsk vilâyetiniñ cemiyetleriniñ başlarınen oturışnı keçirdi.

Oturışqa Donetsk vilâyet devlet memuriyetiniñ başı, vilâyet arbiy-grajdan memuriyetiniñ reberi Pavlo Kırılenko, onıñ muavinleri, şeer başları, em şeer, em de qasaba arbiy-grajdan memuriyetleriniñ başları qoşuldı.

«İşlerniñ kerçek vaziyetni körmek içün mına keldik. Körüşüvlerniñ neticelerine köre, malümat umumiyleştirilecektir. İşlenmesi içün o, Ükümetke ve Yuqarı Şurağa yollanacaqtır. Tenqitten qorqmaymız, bunıñ içün çezilmeleri kelecekte cemaatnıñ inkişafına pozitiv tarzda tesir etse, siyasiy meselelerni bile eşitmege azırmız», – dep İrina Vereşçuk qayd etti.

Devlet içinde alınğan kişilerniñ balaları ve arbiy areketler ve silâlı çatışuv neticesinde zarar körgen bala statusınen çağına yetmegenlerniñ bedava aş içün masraflarnıñ tazminatına masraflarnen temin etüv kontekstinde territorial cemiyetlerniñ meselelerine ayrıca diqqat ayırıldı.

Avropa yatırım bankınıñ Fevqulâde kredit programması çerçivesinde daa leyhalarnı yerine ketirme areketleri muzakere etildi. İrina Vereşçuk, bu leyhanı yerine ketkende qoşulğan fiyatınıñ bergisini ödememeleri içün şimdi Ükümetniñ Donestk ve Lugansk vilâyetiniñ sakinlerini azat etme meselelerini işlegenini qayd etti. Daa o, mezkür qararğa deñişmelerniñ yaqın zamanda qabul etilecegine ve cemaatnıñ leyhalarını eñ semereli tarzda kerçekleştire bilecegine ümüt bildirdi.

Kün mevzularından biri, VİETda coyğan mesken içün DAKge tazminat ödeme oldı. Bu cümleden, Donetsk VDMniñ başı Pavlo Kırılenko, Nazirlikniñ faal işi yardımınen viran etilgen mesken içün ödeme programmasınıñ işlemege ve ilk pozitiv neticelerini köstermege başlağanını qayd etti.

«Bugün vaqtınca işğal etilgen topraqlarda coyğan mesken teminatını berme meselesi pek müim qala», – dep Kırılenko qoştı.

Oturışnıñ neticesi olaraq iştirakçileri kelecek işdeşligi planını muzakere ettiler.