E.g., 28.06.2022
E.g., 28.06.2022
E.g., 28.06.2022
E.g., 28.06.2022
E.g., 28.06.2022

İrina Vereşçuk Vritaniya parlamentiniñ delegatsiyasınen Ukrainanıñ şarqısındaki vaziyetni ve reintegratsiya saasında kelecek işdeşligini muzakere etti

Опубліковано 20 January 2022 року, о 15:04

2022 s. yanvar ayınıñ 19-ında Vitse-baş nazir - Ukrainanıñ vaqtınca işağl etilgen topraqlarınıñ reintegratsiya meseleleri naziri İrina Vereşçuk, ukrain ükümetçileriniñ ve halq mebuslarınıñ gruppası, Britaniya parlamentiniñ tışqı işler eyyetiniñ delegatsiyasınen körüştiler.

Böylece, körüşüv vaqtında İrina Vereşçuk britaniya ortaqlarınen Ukrainanıñ şarqısındaki şimdiki vaziyetni, reintegratsiya saasında eñ müim meselelerni ve britaniya tarafınen ola bilecek işdeşligini, em de Reintegratsiya nazirliginiñ planlarını muzakere etti.

Bu cümleden, Britaniya tarafınen işdeşligi kontekstinde Nazir böyle müim aspektlerni qayd etti:

1. Yalan haberler cayratuvğa qarşı areket etken Büyük Britaniyanıñ institutsiyalarınıñ iş tecribesi.

2. Barışıq inkişaf merkeziniñ işinde halqara ortaqlarnıñ yardımı.

3. Minağa qarşı faaliyetler saasında işdeşlik.

Daa İrina Vereşçuk, bugün Büyük Britaniyanıñ Ukrainağa hususiy yardımnı köstergenini qayd etti.

«Ümüt etemiz ki, Büyük Britaniya Ükümeti bu protseslerde faal bir iştirakçi olmağa devam etecek. Büyük Britaniyanen işdeşligine merrağımıznı ve Ukrainağa yardımı, onıñ territorial bütünligi ve suverenitetini sarsılmaz desteklemesi içün teşekkür bildiremiz», - dep Büyük Britaniya ortaqlarına teşekkür bildirdi.