E.g., 01.12.2021
E.g., 01.12.2021
E.g., 01.12.2021
E.g., 01.12.2021
E.g., 01.12.2021

İşğalci rejimler vaqtınca işğal etilgen topraqlarda ukrain vatandaşlarınıñ aqlarını bozmağa devam ete

Опубліковано 17 May 2021 року, о 09:25

Bunı Ukrainanıñ vaqtınca işğal etilgen topraqlarınıñ reintegratsiya meseleleri boyunca nazirniñ muavini İgor Yaremenko "Vaqtınca işğal etilgen topraqlarda ve sıñırlama yolaqta insan ve vatandaş aqlarınınıñ yerine ketirüviniñ alı" degen tögerek masa devamında qayd etti.

"Ukrainanıñ Rusiye tarafından vaqtınca işğal etilgen topraqlarında insan aqlarını bozuv aqqında bilemiz. Nazirligimizde er aylıq monitoringi kerçekleşe. Ayrıca, soñki zamanlarda em Qırım Muhtar Cumhuriyeti ve Aqyar şeeri, em de Donetsk ve Lugansk vilâyetlerinde Rusiyeniñ işğalci ükümeti silâlı quvetlerge çağıruv başlattı. Bu halqara gumanitar uquğınıñ doğrudan bozuluvıdır. Buña közetüv missiyalarımıznıñ diqqatını celp etmege isteyim. Elbette, mal aqlarınıñ bozuluvı, bu cümleden Qırımda ve Aqyar şeerinde köçmez mülk ve topraq aqlarınıñ bozuluvı, bizni raatsız ete, onıñ içün bu bozuluvlarğa qarşılıq köstermesiniñ mehanizmini azırlaymız", - dep Yaremenko qayd etti.

Ondan ğayrı, aytqanına köre, rus işğalci rejimleri vaqtınca işğal etilgen topraqlarında COVID-19 ile vaziyetniñ kerginleştirüvini körmemezlikke urmağa devam eteler. Aynen onıñ içün halqara teşkilâtlar, Reintegratsiya Nazirliginiñ destegi ile, aprel ayı devamında aman-aman er kün vaqtınca işğal etilgen topraqlarına Halqara migratsiya teşkilâtından, Qaçaqlarnıñ meseleleri boyunca BM-niñ baş komissarınıñ idaresinden, Qırmızı Haç halqara komitetinden tibbiy, aşayt mallarınen gumanitar yardımını teslim etecekler.

"Bu vaqtınca işğal etilgen topraqlarda Rusiye tarafından saqlanılğan episi meseleler degil.  Ayrıca, Qırımda Rusiye militarizatsiyanı keçirgeni ve ukraina yarımadasına Rusiye vatandaşlarınıñ ketirgeni içün daima kerginleşken ukrain vatandaşlarını suvnen temin etüv meselesini qayd etmege isteyim. Bunen beraber, Donetsk ve Lugansk vilâyetleriniñ vaqtınca işğal etilgen topraqlarında maaşnıñ artqan borcu ile mesele bar. Bugünge qadar bu borc eki vilâyette 1 milliard grivnadan ziyadedir. Elbette, eki ay evel yüz bergen mesken-kommunal hocalıqnıñ hızmetlerine fiyatlarınıñ artırması da bizni raatsız ete. Alğan malümatlarımızğa köre, bu yaz vaqtınca işğal etilgen topraqlarında mesken-kommunal hocalıqnıñ hızmetlerine fiyatları daa da köterilecek", - dep nazirniñ muavini qoştı.

Yaremenko qayd etkenine köre, işğalci ükümeti tarafından sıñırlama yolaqnı keçüvniñ qanunsız sıñırlanmalarından sebep, Donetsk ve Lugansk vilâyetinde tek eki kiriş-çıqış noqtası normal rejiminde çalışa. Bu er kün, amma işğalci ükümeti tarafından kirişlik kâğıtı aluvınıñ sıñırlanmaları ile çalışqan Stanitsa Luganskaya ve aftada eki kün: bazarertesi ve cüma künü çalışqan Novotroitskoye.

"Bizim tarafımızdan iç bir sıñırlama yoq, ve qayd etmege isteyim ki, er kün kiriş-çıqış noqtalarımız normal rejiminde çalışa, lâkin işğalci ükümet imkânlarnı sıñırlamağa devam etip, işğal etilgen topraqlarda yaşağan insanlarnı Ukrainanıñ serbest qısmından ayırmağa istey. Soñki olğan vaqialarnı ve alğan qararlarnı köremiz, ayrıca, işğalci ükümetiniñ "salâhiyetini" qullanmağa başlağanları aqqında malümatımız bar. Oña binaen, insannıñ kiriş-çıqış noqtasını 30 künde tek bir kere keçmege imkânı bar. Demek ki, insanlarnıñ serbest avuştıruvına aqları daa da çoq sıñırlanıla", dep Yaremenko bildirdi.

Ondan ğayrı, malümatına köre, 2019 senesinden başlap, Rusiye işğalci rejimleriniñ insaniylikke qarşı areketler olğanı içün, kiriş-çıqış noqtalarından keçüvniñ miqdarı azlaşa.

"Endi bir yıl boyunca, işğalci devlet, halqara ve halqara gumanitar aqınıñ bütün talaplarını bozıp, insanlarnıñ ihtiyaclarına ve yahşı yaşayışqa aqına qulaq asmayıp, pensiyalarnı, tibbiy hızmetlerini almağa imkânından marum etip, olar içün esirler olğan Ukraina vatandaşlarını qılınmağa devam ete. 2019 senesi er üç ay içinde orta esapnen 4 millionğa yaqın insan (yılda 16-16,5 millionğa yaqın) sıñırdan keçe edi. 2020 senesi ise, aynı müddet içinde 900 biñ insan (yılda 3,5 million) sıñırdan keçti. Bu yıl birinci üç ay boyunca 128 biñ insan sıñırdan keçti", - dep Yaremenko yekün çekti.