E.g., 11.08.2022
E.g., 11.08.2022
E.g., 11.08.2022
E.g., 11.08.2022
E.g., 11.08.2022

Melitopolda deyerli 100 DAKniñ vaqtınca yaşaması içün meskenniñ rekonstruktsiyası bitirildi

Опубліковано 15 February 2022 року, о 12:58

Zaporijjâ vilâyetiniñ Melitopol şeerinde devlet içinde alınğan kişilerniñ vaqtınca yaşamaları içün meskenniñ rekonstruktsiyası bitirildi. Mesken, Ukraina içtimaiy yatırım fondunıñ kirsetkeni «(İYUF VI) İçtimaiy astyapınıñ inkişafına yardım» leyhası çerçivesinde KfWden Almaniya Ükümetiniñ bergeni para yardımınen abadanlaştırıldı.

İşler, 2021 s. oktâbr ayınıñ 1-inden 2022 s. yanvar ayınıñ 28-ine qadar devam ete edi. Fevral ayınıñ 15-inde bina işletmege açıldı, daimiy shemasına köre elektrik ağına bağlandı, yerleşüvge tamamınen azır. Obyektniñ tantanalı açılışı fevral ayınıñ 28-inde olacaq.

Devlet içinde alınğan kişiler içün Belâyeva soqağı 16-ncı ev adresindeki 24 daire ayırıldı:

  • 4 bir odalıq;
  • 18 eki odalıq (bu cümleden ealiniñ az mobil guppaları içün 2 daire);
  • 2 üç odalıq.

Şimdi bütün daireler üleştirildi, 24 qorantanıñ yaşaması içün tesbit etildi. Sakinlerniñ faktik sayısı 92 kişidir. DAK içün bütün daireler, binanıñ birinci ve ekinci qatında yerleşkendir. Şeerniñ parasınen rekonstruktsiya etilgen üçünci qatı, ealiniñ başqa kategoriyaları içün esapqa alındı.

Bu cümleden, bu, işletilmegen ve memnüniyetsiz alda olğan sabıq bala bağçasınıñ binasıdır. Leyhağa köre, onıñ yañıdan planlaştırması ve rekonstruktsiyası keçirildi. Almaniya Ükümetiniñ grantınıñ parası (14,698 mln grn) yardımınen, eñ zemaneviy energiya saqlama standartlarına riayet etip bina tamamınen yañıdan quruldı. Dairelerde keyfiyetli içki tamir yapıldı. Olar tamamınen santehnika, aşhane mebelleri ve ev tehnikasınen abadanlaştırıldı. Ev yanında bala meydançığı da tiklendi.

Mezkür obyektniñ tamirinden ğayrı, İYUF.6 leyhası çerçivesinde Almaniya Ükümetiniñ parası yardımınen Melitopol şeerinde № 4 mektepniñ, ve DAK içün endi 4 dairelik meskün obyektiniñ tarim etilgenini qoşamız.

Devlet içinde alınğan kişilerni meskennen temin etmekniñ 2022 s. içün Vitse-baş nazir - Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ prioriteti olğanını hatırlatamız. Fevral yınıñ başında o, DAKniñ mesken meselesini çezmek içün Almaniyanen işdeşlikni köterüvni mıuzakere etti.

İYUFndan kerçekleştirilgen leyhalardan ğayrı, Reintegratsiya nazirligi, devlet içinde alınğan kişilerniñ yaşayış şaraitini temin etmek ve yahşılaştırmaq içün Halqara migratsiya teşkilâtınen beraber Ukrainanıñ şarqında kerçekleştirilgen Alman KfW inkişaf bankınen işdeşlik yapmaqta. Daa KfWdan Almaniya Ükümeti, DAK içün imtiyazlı ipoteka kreditini berme leyhasını paranen temin etmektedir.