E.g., 28.09.2022
E.g., 28.09.2022
E.g., 28.09.2022
E.g., 28.09.2022
E.g., 28.09.2022

Nazirler Kabineti, Keriç köprüni qanunsız quruvğa ve Aqyardaki parklarnı yıquvğa alâqası olğanı 30 kişige qarşı sanktsiyalar qoymağa teklif ete

Опубліковано 19 January 2022 року, о 13:48

2021 s. sentâbr ayınıñ 8-indeki oturışta Ukraina Nazirler Kabineti, «Keriç boğazından köpürni» qanunsız quruvğa ve qullanuvğa, RF toprağınen vaqtınca işğal etilgen Qırımnıñ alâqasını teşkil etüvge ve Aqyardadki park topraqlarını ve medeniy mira obyektlerini qanunsız yañıdan planlaştıruvğa alâqası olğanı 24 uquqiy şahısqa ve 6 hususiy şahısqa dair sanktsiyalarnı tasdıqladı ve Ukraina milliy telükesizlik ve mudafaa şurasınıñ baqıluvına yolladı.

Tışqı işler nazirligi ve başqa devlet organlarınen orta işiniñ neticelerine köre, bu qararnıñ leyhalarını Ukrainanıñ vaqtınva işğal etilgen topraqlarınıñ reintegratsiya meseleleri nazirilgi azırladı.

«Ukraina Ükümeti, ukrain suverenitetini bozuv telükesi olğan kişilerniñ er bir areketine cevap berecek! Ukrain Qırımınıñ toprağında cinayet etken er kesniñ öz areketlerinden mesül olması içün içün kerekli küç-quvetini qoyacaqmız! Bu maqsatnen, halqara ortaqlarımıznen daa yaqın işdeilikni inkişaf etecekmiz. Rus işpal akimiyetiniñ vekillerini ve olarnıñ yardımcılarını cezalarnıñ qaytarılıp olmaması aqqında tüşünmege çekemiz», - dep VİETnıñ reintegratsiya meseleleri naziriniñ muavini İgor Yarememnko bildirdi.

Ukrian toprağında mal-mülkü olsa, mezkür uquqiy şahıslarğa sanktsiyalar qoyulur: malını qullanıp olamaz, ihrac-ital amellerini yapmağa yasaq olur, Ukrainanıñ toprağından kapitalını çıqarmağa imkân bermez, iqtisadiy ve maliyeviy mecburiyetlerni yapmağa ve Ukrainanıñ toprağında litsensiyalanğan faaliyetler toqtatılır.

Aynı zamanda hususiy şahıslarğa sanktsiyalar quyulsa, olar Ukrainanıñ toprağına kiremezler, Ukrainanıñ toprağındaki mal-mülküni qullanamazlar. Daa mezkür hususiy şahıslarğa ve kontrol etkeni ya da faydaları içün kişilerge hususiyleştimege ve devlet mülküni kira etmege yasaq olur.

Sanktsiyalar, 5 sene devamında qullanmağa planlaştırılır.

UMTMŞnıñ kerekli qararını qabul etken ve quvetini alğan soñ aynı sıñırlanğan tedbirlerini kirsetmelerine dair meselelerni baqmaları içün Tışqı işler nazirliginiñ, bu qarar aqqında Avropa Birliginiñ, Amerika Qoşma Ştatlarınıñ, Kanadanıñ ve başqa devletlerniñ kompetentli organlarına haber etmege kerekligini qayd etemiz.