E.g., 28.06.2022
E.g., 28.06.2022
E.g., 28.06.2022
E.g., 28.06.2022
E.g., 28.06.2022

Oleksiy Reznikov: «Qırımdaki ukrainlarni qorçalavğa dair iş quvetleştirilecek»

Опубліковано 20 January 2022 року, о 15:39

Ukraina Vitse-baş naziri - Ukrainanıñ vaqtınca işğal etilgen topraqlarınıñ reintegratsiya meseleleri nazri Oleksiy Reznikov, Ukraina ortodoks kilsesiniñ Qırım yeparhiyasınıñ reberi Aqyar mitropoliti ve Qırım Klimentinen ve Kray Qırımdaki ukrainler şurasınıñ vekili Andriy Şçekunnen körüşti.

Körüşüv vaqtında taraflar, vaqtınca işğal etilgen Qırım MC ve Aqyar şeerinde bulunğan ukrain vatandaşlarınıñ aqlarını qorçalav meselelerini, bu cümleden din serbestligi, ukrain tilinde oquv ve malümatqa irişim aqlarını muzakere ettiler. 

«Qırım platformasınıñ samitinde men, işğal akimiyetiniñ Qırımdaki ukrainler ve qırımtatarlarnı muntazam tarzda quvalamasına ayrıca diqqat celp ettim. Ukrain cemiyetine binaen total assimilâtsiya siyaseti qullanılmaqta. Ukrain tilindeki tasil yoq etti, ukrain tilinde cemaat ögünde laf etmege aslında yasaqtır. Ukrain mediaları, grajdan ve siyasiy saaları yoq etildi. Ukrain faalcileri quvalanır, episke atılır. İşğalcilerniñ esirliginde olğanlar içün şimdi temiz avanen bir yutum olğan Ukrain ortodoks kilsesiniñ cemiyeti er vaqıtki tazyıq astındadır. Buna biz qarşılıq kösteremiz» - dep Oleksiy Reznikov bildirdi.

Böylece, Vitse nazir, 2021 s. avgust ayınıñ 18-indeki oturışta Ukraina Nazirler Kabinetiniñ vaqtınca işğal etilgen Qırım MC ve Aqyar şeerinde grajdan elisini taqip etüvnen bağlı olğan RF makemecelerine ve başqa vazifedarlarğa qarşı 2 sanktsiya paketini taqdirlegenini hatırlattı.

Mezkür vesiqalarnıñ leyhaları, Qırım Muhtar Cumhuriyetinde Ukraina Prezidentiniñ Vekilliginen ve cemaatnıñ, bu cümleden Qırımdaki ukrainlerniñ menfaatını taqdim etken qırım teşkilâtınıñ institutsiya birleştirmesi olğan Kray Qırımdaki ukrainler şurasınıñ (KQUŞ) vekillerinen Reintegratsiya nazirligi tarafından azırlandı.

«Bu faktlar, keçenlerde yayınlanğan BMTnıñ General kâtibiniñ maruzasında da yazılır. Faqat eminmiz ki, halqara cemiyet daa çoq yapa bilecek ve biz Qırımdaki ukrainlerniñ vaziyetine halqara diqqatnı celp etüv işini faalleştirmege planlaştıramız» - dep itse-baş nazir qayd etti.

Reintegratsiya nazirligi, VİET QMC ve Aqtar şeeriniñ meseleleriqasevetlengen cemiyet teşkilâtlarınen işdeşligini inkişaf etmege devam etecektir.