burger

Popasna yanındaki yañı telequlle yardımınen VİETda ve «boz zonada» ukrain telekanalları seyir etilmekte

Опубліковано 14 December 2021 року, о 18:34

Dekabr ayınıñ 14-ünde Lugansk vilâyetine eki künlik iş ziyareti çerçivesinde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk Severodonetsk rayonındaki Komışuvaha şşqsınıñ Ragio ve televizion yayın stantsiyasını ziyaret etti.

«Komışuvahadaki telequlle, tek tehnikiy levazimat degil, malümat suverenitetimizni kefalet etmek içün bir alettir. Vaqtınca işğal etilgen topraqlar, bizim toprağımızdır ve anda bizim tele ve radio signalımız olmalı», – dep İrina Vereşçuk bildirdi.

Lugansk vilâyeti devlet idaresiniñ başı Sergiy Gayday qayd etti ki, vaqtınca işğal etilgen topraqlarda televizion signalnıñ quvetleştirilüvi, rutbeni alğan soñ yerine ketirmege avale etkeni ilk vazifelerden biri edi.

Bundan ğayrı, İrina Vereşçuk, duşman signalını bloklaycaq levazimatnıñ alınması ve tiklenmesine yardım etecegini qayd etti. Onıñ fikrince, tamam böyle qullelerniñ tiklenmesiniñ arttırılması, VİETde yaşağan ukrainlılarğa añlavnı yükseltmege ve olarnıñ bizim cemiyetimizge çabik integratsiyalarına yardım etecek.

Mezkür stantsiya 2020 ve 2021 seneleri arasında quruldı. Televizion signalnıñ tarqaluv dairesi 50 kmdir. Radio signalı vilâyetniñ vaqtınca işğal etilgen parçasını bütünley keçmekte ve RFnen sıñırğa yetmektedir. Obyektniñ yüksekligi 50 mdir.

«Komışuvaha» RTYSnıñ işi, 200 biñ vatandaş içün Lugansk vilâyetiniñ Severodonetsk ve Şçastâ rayonlarınıñ topraqğındaki ve Donetsk vilâyetiniñ parçasındaki media merkezine irişimni yañıdan tiklemege imkân berdi.

UMCTRŞ AŞleri (kanallar: “UA:Перший”, “UA:Донбас”, “UA:Культура”), devlet telekanalı “Дім”, “Зеонбуд” SMŞiniñ çoq kanallı telequllesiniñ operatorı (32 eñ reytingli telekanal), “Перший Західний” ve “2+2” telekanalları telequlleden yayınlama ruhsetini aldı. Em de “УР-1”, “UA:Культура”, “Армія-ФМ”, “UA:Радіо Промінь” ve yerli olğan “49-паралель” ve “Пульс” kibi radio stantsiyaları yayınlamaqtadır.

Bundan ğayrı, raqamlı televizion yayınlamanıñ sheması işlep çıqarıldı ve Şçastâ rayonındaki şimdi çalışqan «Bahmutivka» RTYSnen zamandaş raqamlı televizion yayınlamanıñ zonaları azırlanmaqtadır.

Komuşuvahadaki telequllede, Lugansk vilâyetinde eñ yüksek 150 metrlik bayraq diregi  Ukraina Devlet Bayrağınen tiklendi.