Bugün 2022. fevral ayınıñ 2-sinde «Quvetli Ukraina içün ortaqlıq» fondunı teşkil etüv aqqında Memorandum imzalandı. Fond çalışmağa başlama tantanalı teşrifatı, Ukraina vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ ve Ukrainadaki Büyük Britaniya elçisi Melinda Simmonsnıñ reberliginen keçti.
Daa fondunı teşkil etüv aqqında Memorandumnı imzalama teşrifatında beş ortaq devlet iştirak etti:
- Tobias Tıber – Ukrainadaki İsveçiya elçisi.
- Larısa Galadza – Ukrainadaki Kanada elçisi,
- Klod Vayld – Ukrainada İsveçre elçisi,
- Kristina Kvin – Ukrainadaki AQŞ işleri hadimi,
«Bir-birini cemiyet ögünde desteklemek ve bir-birine inanmaq pek müimdir. Bu leyhanı öz vaqtında tamam mında ve şimdi başlamaqnıñ ne qadar müim ve baş olğanını añlaymız. Devletimizniñ şarqı ve cenübindeki insanlarımız içün müimdir. Bütün ukrainler içün tek olmağanımıznı ve omuz-omuzımızğa turğanımıznı müimdir», – İrina Vereşçuk dep qayd etti.
Böylece, Fond, Rusiyeniñ silâlı tecavuzı neticesinde zarar körgen cemiyetlerge, kelecek kerginleşüvniñ aldını almağa, vaqtınca işğal etilgen topraqlarnıñ planlı ve maniasız içtimaiy, iqtisadiy ve siyasiy reintegratsiasına azırlamağa sürekli yardım etecek.
Fondnı kerçekleşme programmasınıñ ilk fazasınıñ 2024 s. mart ayına qadar devam etecegi, onıñ bücetiniñ ise 35 mln funt sterling (1,3 mln grn) olacağı esapqa alınır.
«Qoşulacaq er keske minnetdar olacağım, çünki cemiyetlerge, olarnıñ birligine, em devletniñ, em de halqara cemiyetniñ yardımına ihtiyac duyğan insanlarğa yönelgen ilk leyhaları içün tek 35 mkn funt sterligge saip olğan ortaq fondudır», – Vitse-baş nazir dep bildirdi.
Birinciden Lugansk ve Donetsk vilâyetlerinde zayıf cemiyetlerge yardım etmege, grajdan-arbiy işdeşlik-gini pekitmege ve energiya semereliligini yahşılaştırmağa yönelgen bir qaç ilk azırlanğan leyha tasdıqlandı. Fond, yanlış malümatqa qarşılıq köstermek içün Ukrainanıñ şarqı ve cenübinde bölge kommunikatsiya imkânlarını mükemmelleştirecek, inklüziv dialogga yardım etecek. Uzun vaqtlı istiqbalde Fond, devlet hızmetlerini optimizatsiya etmeke ve vaqtınca işğal etilgen topraqlarnıñ reintegratsiyasını destekleyerek iqtisadiy imkânlarnı kenişletmege çalışaycaq.
Soñunda İrina Vereşçuk Ukrainağa yardım etmeleri içün hakqara ortaqlarğa teşekkür ve Fondnıñ işi semereli neticelerini berme ümütini bildirdi.
«Bugün mında biznen olğan devletlerniñ vekillerine teşekkür aytmağa isteyim, çünki siz tek ortaqlarımız degil, siz dostlarımızsınız. Ukrainanıñ aqiqiy dostlarısıñız», – dep hulâsa çıqardı.
Qoşma malümat. 2021 s. avgust ayınıñ 24-ünde Büyük Britaniya, Kanada, AQŞ, İsveçre ve İsveçiya, kerekli vesiqanı imzalap «Quvetli Ukraina içün ortaqlıq» fondunı teşkil etme niyetini ilân ettiler.