burger

Reintegratsiya nazirligi «Naftogaznen» beraber sıñırdaki cemiyetlerni alternativ energiya menbalarınen temin etti

Опубліковано 17 December 2021 року, о 13:26

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Donetsk ve Lugansk vilâyetleriniñ cebe topraqlarını alternativ energiya menbalarınen temin etmek içün çalışmağa devam ete.

Bu, «Naftogaz» MAŞinen ortaq bir leyhadır.

2021 s. içinde 64 obyektniñ, bu cümleden 32si Lugansk ve 32si Donetsk vilâyetlerinde, energetik yañartıluvına dair plan yerine ketirildi.

Programmasnıñ yerine ketirilüvi, soqaq fenerleriniñ, toqtalışlarnıñ, skemlelerniñ ve közenek alâqası tehnikasını yüklendirmesi içün fotoelektrik panelleri ve teşikliklernen «küneş ağaçlarınıñ» tiklenmesini esapqa ala edi.

Bundan ğayrı, leyha çerçivesinde 6 ekimhanede, 12 içtimaiy-medeniy obyektlerde, 19 astyapı obyektlerinde, ve kiriş-çıqış yoqlav keçitleriniñ hızmet zonalarında dam küneş elektrik stantsiyaları tiklendi.

Muhtar soqaq fenerleri, energiya taşıyıcılarına ihityacı olmağanı ve işletüv müddeti daa uzun olğanı içün, adiy fenerlerniñ tutumlı alternativasıdır. Bu cümleden, alternativ energiya menbalarınıñ qullanılması, yarıqlatuv aletleriniñ qaranlıqta aqsamadan çalışmasını temin eter ve energiya tabiligini azlatır.

Sıñırğa yaqın olğan meskün yerlerniñ alternativ energiya menbalarınen temin etilüviniñ, Reintegratsiya nazirliginiñ Donetsk ve Lugansk vilâyetleriniñ icra akimiyetlerinen işdeşliginiñ prioritetli saalarından biri olğanını qayd etemiz.