burger

Rus işğaliniñ teren bir izi: viran etilgen Harkiv vilâyeti masraflardan ve zararlardan nasıl özüne kele

Опубліковано 26 May 2022 року, о 19:28

Keçken kün Harkiv nisbiy olaraq sakin edi, faqat bugün ise işğalciler “Gradlar” ve “Urağan”lar vastasınen ateş açtılar. Lozova, Çuğuyiv, Derhaçi, Zoloçiv ve Balakliya deyerli er kün ateşler atında buluna. İzüm yönelişi eñ sıcaq qala. Vovçansk, Kupyansk ve Boriv rayonları tamamınen işğal etildi. Duşman o yerlerge tahliye ve gumanitar koridorlarını açmağa vazgeçe.

Mayıs ayınıñ 26-sından itibarınen

HARKİV VİLÂYETİ

Aynı zamanda azat etilgen topraqlarda yavaş yavaş ayat yañıdan başlay: kritik astyapı, elektrik yolağı, gaz ve suv boruları yañıdan qurula. İnsanlarnı tez ve mümkün olğan tarzda oñaytlı şartlarnen temin etmek maqsadınen.

Duşman, Harkivniñ suv borusı hocalığına qocaman bir zarar ketirdi. Toplar ve ava ücümleri neticesinde umunrn 500 metrli suv boruları ve diger teminat obyektleri tamamınen viran etildi. Pivniçna Saltivka, HTZ, Jukovske be Horızont qasabaları, Oleksiyivka ve Rohan mesken massivleri eñ çoq zarar kördi. Pivniçna Saltivkanıñ üç mirkorayonında suv teminatı endi yañıdan tiklendi, başlarında ise çalışmalar devam ete. Yaqın kelecekte suv 70 çoq qatlı evge berilecek.

Mala Rohan köyü, mütehassıs-energiyacılarnıñ kelgeni vilâyetiniñ ilk azat etigen qasabalarından biridir. Mında ruslardan soñ tamamınen viran etilgen demir-beton tayamaları ve kesilgen elektrik telleri qaldı. Çoq yerde er şey temelinden yañıdan qurulmalı edi. Kulınıçi, Elitne ve Brajnıkı meskğn yerlerinde ışıq yavaş yavaş peyda ola. Vilhivkada alâ daa qırılğan elektrik ast stantsiyası cıyıla. Ceryannı tezleştirmek imkânı olmay, çünki bazı da minacılar çağırıla. Olar elektrik yolağı boyunca mina ve başqa patlayıcı şeylerni qıdıralar.

Harkiv rayonıñ işğalcilerden azat etilgen Vilhivka meskün yeri, gaz hızmetiniñ qazacıalrınıñ çalışmağa başlağanları vilâyetiniñ dörtünci meskün yeri oldı. Şimdi mında gaz temiantınıñ yañıdan başlatılmasına azırlıq çalışmaları devam ete. Keçenlerde evlerdeki ateşke tutulğan ve viran etilgen gaz boruları temir etildi ve deñiştirildi. Bundan ğayrı, Derhaçi şeerinde temir-yañıdan qurma çalışmaları keçirildi. Anda daa bir qaç ev gaznen temin etildi. Umumen keçken afta Harkiv vilâyetiniñ 7,5 biñ evine gaz qaytarıldı.

Faqat duşman gaz kommunikatsiyalarını ateşke tutmağa devam ete. Çuğuyiv rayonındaki GÜNna doğru techiz urıp viran etti. Bahtına, gaz kesilmedi. Harkiv rayonında raşitlerniñ ateşineyüksek basımlı gaz borusı oğradı.  800 sakin vaqtınca gazsız qaldı.

Viran etilgen evler, ışıq ve gaz yoqluğı pek çoq vatandaşnı başqa yerlerge köçmege mecbur qala. Olardan biri Harkiv metropoliteni. Cenk vaqtında o yerge qaçaqlar kelip kelecek yaşama içün onı donatalar. Keçenlerde Harkiv topraq astındaki şeerinden 177 kişi yerleştirildi. Olarğa vaqtınca mesken berildi.

Vaqtınca meskenni quraraq zarar körgen harkinlılarnı yerleştirme meselesini çezmege planlanır. Amma bu, planlanğanı kibi, modul vagonları degil, kapital evler ise olacaq.

Dercde, Harkiv vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.