burger

Suvuq mağazlar, azlıq qıtlığı, gazsız ve elektriksiz: işğalcilerniñ Harkiv vilâyetindeki tecribesi

Опубліковано 2 May 2022 року, о 18:42

Keçenlerden qorçalayıcılarımıznıñ rus ordusından azat etkenleri Harkiv vilâyetiniñ meskün yerleri bozulğan ve abranğan körüne. Eki aydan ziyade işğal astında olğan Kutuzivka qasabasında ruslar, tınç yaşağan insanlarnı evlerinden quvıp çıqara ediler. Çoqusı yaşlılar ve balalar olğan tahminen yüzlerce vatandaş, tüm bu vaqıt boyunca suvuq mağazlarda elektriksiz, gazsız ve azıq mahsulatısız yaşay ediler.

Mayıs ayınıñ 2-sinden itibarınen

HARKİV VİLÂYETİ

Tünevin Harkivniñ şimaliy ve şarqiy rayonlarınıñ, hususan Saltivkanıñ sakinlerini bir kere daa acele ihtiyac olmadan sığınaqtan çıqmamaları çağırdılar. Ava telâşı olmağanında bile. Duşman, şeerniñ çeşitli rayonlarını (yuqarıda añılğan Saltivka, Pyatıhatkı ve ava limanı rayonı) aynı anda toplu ve raketa ateşleri astında tuta edi. Keçenlerde şeerniñ Nemışlânskıy rayonında ve vilâyetindeki İzüm, Harkiv vr Çuğuyeve rayonlarında eñ çoq yanğın qayd etildi.

Cenkniñ başalnğıcından vilâyetiniñ toprağında tahminen 2,7 biñ çoq daireli bina ya viran etildi ya da qısmen bozuldı. Diger obyektler arasında tasil saası eñ çoq zarar köre – 313 müessise viran etildi. Daa 57 tübbiy, 17 içtimaiy, 39 medeniyet, 18 sanayı müessisesi ve 6 ibadethane zarar kördi.

Vilâyetinde deyerli 250 meskün yerdeki 200 biñden ziyade ev elektriksiz qala. 70ten ziyade meskün yerde tahminen 90 biñ abune gaz teminatısız qala. Tek Harkivdeki 42 çoq qatlı evge suv teminatı kesildi. Bu, alâ daa saylanamağan qasabalardaki şahsiy evlerni esapqa almayaraq.

Qayd etemiz ki, merkezleştirilgen suv teminatı, elektrik ağlarınıñ işine bağlıdır. Bunıñ içün onı, mesken-kommunal astyapı kibitek kompleks şeklinde yañıdan tiklemek mümkün. Yazıq ki, muntazam ateşler sebebinden bu tür imkân pek siyrek bar.

Sürekli yaşayış telükesi, viran etilgen evler ve bozulğan astyapı sebebinden Harkiv vilâyetiniñ 1,3 milliondan ziyade sakini evinden ayırdı.

Vilâyetiniñ toprağında arbiy areketler devam etkeni sebebinden Harkiv vilâyetiniñ viran etilgen ya da bozulğan evleriniñ ve astyapısınıñ sayısını esaplamaq şu anda imkânsız qalır. Dercde, Harkiv VDMniñ Kütleviy kommunikatsiya ve halq ögünde malümatqa irişm teminatı bölüginden alınğan malümat qullanıldı.