Öldürilgen askerlerniñ bedenleriniñ daa bir deñişmesi keçirildi. Ukraina daa 38 öldürilgen qorçalayıcısınıñ bedenini qaytardı.
Operatsiya, Mahsus vaziyetlerde habersiz ğayıp olğan kişiler meseleleri vekili Oleh Kotenkonıñ ve Ukraina quvet müessiseleriniñ iştirakinen keçirildi.
Bedenlerni qaytaruv ceryanı Cenevre şartnamesiniñ qaidelerine mücibi keçirilir.
Umumen Vekilniñ Ofisi çalışmağa başlağandan berli 663 beden qaytarmağa becerdi.
Hatırlatamız ki, vilâyetlerde Mahsus vaziyetlerde habersiz ğayıp olğan kişiler meseleleri vekiliniñ bölge merkezleri çalışalar, olarnen sıcaq hat vastasınen bağlanmaq mümkün: 0 800 339 247.
Raatlıq künleri Viber ve Telegram qullanımları vastasınen beyanat yazıp yollamaq mümkün: (095) 896-04-21.
Tamam Mahsus vaziyetlerde habersiz ğayıp olğan kişiler meseleleri vekiline ğayıp olğan kişi aqqında haber bermek mümkün: (099) 792-01-26.