burger

Ukrainalılarğa sıcaq noqtalardan tahliye etmege yardım etmek içün Reintegratsiya nazirliginiñ telefon merkezi 24 saat işley

Опубліковано 4 April 2022 року, о 14:00

Cenkniñ başlanğıcından Ukraina Vitse baş naziri İrina Vereşçuknıñ emrinen Ukrainanıñ vaqtınca işğal etilgen topraqlarınıñ reintegratsiya meseleleri nazirliginde Buhran meseleleri sıcaq hattınıñ esasında, vatandaşlarğa yardım ğayretlerini koordinatsiya etmek içün telefon merkezi 24 saat işlemektedir.

Endi bir aydan çoq Nazirlikniñ hadimlerimiz vatandaşlarımızğa yardım eterek ve olarnı idare eterek er kün “Sıcaq hatta” hızmet etler ve bir kün içinde 400den ziyade hitap işleyler.

Reintegratsiya nazirliginiñ buhran meseleleri telefon merkezine murcaat etkeni esas meseleler:

  • yeşil koridorlarnı keçmege ve gumanitar yardım almağa yardm;
  • Ukrainanıñ işğal etilgen topraqlarından öz başına çıqamağan vatandaşlarğa şahsiy yardım;
  • cenk vaziyetinde vatandaşlarğa devlet içinde alınğan kişi statusını almağa yardım;
  • devlet sıñırını keçme ve alınğan devlerlerde qaçaq statusını alma mevzusında añlatma;
  • cenk vaziyetinde devlet içinde alınğan kişilerge ödemeler ve tazminat mevzusında añlatma.

Hadimlerimiz tüm bu suallerge ihtisasiy cevaplar bereler ve er bir ukrainalığa yardım etmege tırışalar, çünki er vaqıt vaziyet şahsiy ve zorluq derecesi farqlıdır.

Tüm telefon etmeler qayd etilir, işenir ve umumiyleştirilir. Kelecekte malümat FVDH, Ukraina Silâlı Quvetleriniñ Territorial mudafaasınıñ quvetleri, yerli icra akimiyeti organları, arbiy-grajdan memuriyetler arasında ğayretlerni koordinatsiya etmek içün minasızlaştırma ve tınç yaşağan ealiniñ tahliyesini teşkil etme meseleleri muayyen profil organlarına berilir.

Daa bir kere hatırlatamız: vatandaşlar, böyle telefon nomeraları vastasınen buhran meseleleri “Sıcaq hattına” muracaat ete bilirler:

  • 1548
  • (044) 355-14-78
  • 0800-750-107

Er birni qayğıramız ve er kün devletimizni Ğalebege yaqınlaştıramız!