Milliy ruhiy sağlıq ve ruhiy içtimaiy destek programmasınıñ çerçivesinde Ukrainanıñ Prezidentiniñ qarısı Olena Zelenskyanıñ teşebbüsinen yaratılğan eyyetler arası iş gruppasınıñ ilk oturışı keçirildi.

Oturışta Ukrainanıñ Prezidentiniñ qarısı Olena Zelenskya, Baş nazir Denıs Şmıhal, Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Sağlıq naziri Viktor Lâşko, Dünya sağlıq qorunma teşkilâtınıñ, nazirliklerniñ ve müessiselerniñ, cemaat teşkilâtlarınıñ vekilleri iştirak ettiler.

Milliy prorgammanıñ maqsadı, vatandaşlarnıñ ruhiy bozmalarnı evelden yoq etmek içün olarğa cenknen ve travmatik vaqialarnıñ neticelerinen bağlı olğan stressni keçirmege yardım etmektir. Şu anda Sağlıq nazirliginiñ esaplamalarına köre, ukrainalılarnıñ eñ az 60%-i bu tür yardımğa ihtiyac duya.

«Cenk vaziyetlerinde ukrainalılarnıñ ruhiy sağlığını desteklemesine yönelgen pek çoq teşebbüs bar: ruh ekimleri bedava mesleat berirler, tevsiyeler yayınlarlar, mahsus raqamiy platformalarnı yaratırlar. 2014 seneninden berli büyük bir iş yapıldı. Bu pek müim bir şey, ve bu faaliyetke qatılğan er keske teşekkür bildirmege isteyim. Şu andayapılğan er şeyniñ auditini yapmaq, mecut olğan tüm resurslarnı ve imkânlarnı birleştirip sinhronleştirmek kerek», – dep Olena Zelenska qayd etti.

Oturışnıñ iştirakleri, oña ihtiyac duyğan er kesni ruhiy sağlıq saasındaki keyfiyetli hızmetlerge irişimnen temin etmek içün mecut olğan tüm resurslarnıñ sistemaleştirlemsi ve birleştirimesinen bağlı meseleler muzakere ettiler. Bundan ğayrı, ruhiy sağlıq ve ruhiy içtimaiy destek programmasını işletme areketler planı tasdıqlandı.

Bu cümleden aşağıdaki şeyler esapqa alınır:

• DSQTnıñ ihtisaslarını çekip mütehassıs bir auditini yapmaq, onıñ esasında yardım etme model sisteması yaratılacaq;
• ihtisas cemaatınen, ekspertlernen, cemaat fikriniñ liderlerinen onı muzakere etken soñ yerine ketirme adım planını azırlamaq;
• nazirliklerniñ çoqusınıñsistemasında çalışqan ruh ekimleriniñ, ruh terapevtleriniñ, emik-ruhçılarnıñ azırlama kefiyeti, oqutma, sertifikat sistemalarını tüşünip çıqarmaq;
• aile ekimleri, ruhçılar, içtimaiy işçiler, tasil bericilerni acele ruhiy destek usullarını ögretmek;
• ihitisaslarnıñ ve usullarnıñ sicilini yaratmaq, bilgilerni sistemalaştırmaq, yañıdan oqutuv usulını azırlamaq ve kadrlarnı, olarnı celp etüb sistemasını yañıdan azırlamaq.

Ruhiy sağlıq aqqında baqma medeniyetine ve cemaatqa malümat bermege yönelgen kommunikatsiya kampaniyasınıñ keçirilmesi de planlaştırılır.