E.g., 25.09.2022
E.g., 25.09.2022
E.g., 25.09.2022
E.g., 25.09.2022
E.g., 25.09.2022

Ükümet Reintegratsiya nazirliginiñ işdeşlikçiler aqqında qanun teşebbüsini tasdıqladı

Опубліковано 05 August 2022 року, о 13:10

Bugün Nazirler Kabineti Reintegratsiya nazirliginiñ taqımınıñ azırlağanı ve vaqtınca işğal etilgen topraqlarda işdeşlik içün cinaiy mesüliyeti meselelerini daa tafsilâtlı malümat bermege yönelgen qanun leyhalarını tasdıqladı.

Hatırlatamız ki, bu sene mart ayında Ukrainada işdeşlik faaliyeti ve tecavuzcı bir devletke yardım içün cinaiy mesüliyet kirsetildi. Qanunğa mücibi tecavuzcı bir devletniñ temsilcilerinen işdeşligindeki hocalıq faaliyeti içün 170 biñ grivnalıq cezadan 5 senelik tevqifke qadar cinaiy ceza esapqa alına.

Faqat resmen Ukrainağa zarar ketirmegen, öz ailelerine aş bermek ve öz cemaatınıñ yaşayış faaliyetini saqlamaq maqsadınen VİETdaki kerçekliklerde çalışmağa (misal içün hastalarnı tedaviylemege ya da kritik astyapı obyektleriniñ işini temin etmege) mecbur qalğan insanlar cinaiy mesüliyetke çekile bile ediler. 

Reintegratsiya nazirligine yüzlerce hitap yollandı: insanlar bir faaliyetniñ cinaiy qanunnamege ait olıp olmağanını añlatmağa soray ediler.

Buña cevap bermek maqsadınen nazirlik akimiyet organlarınıñ ve biznesniñ 160 vekili, uquq mütehassısı, cemaat teşkilâtından ibaret olğan ve qaysı faaliyetniñ işdeşlik olmağanını açıq-aydın olaraq añlatqan eki qanun leyhasını azırlağan iş gruppasını teşkil etti. Bu cümleden, hocalıq faaliyetindeki tecavuzcınen gönülli işdeşligi cezalandırılacaq. Daa tecazvuzğa yardım bermegen şartlarda VİETda yapıla bilgen faaliyet çeşitleriniñ cedveli yaratmağa teklif etile. Ükümet bu tür faaliyetniñ hususiyetlerini ve qoşma sıñırlamalarını kirsete bilecek.

Nazirler Kabineti Reintegratsiya nazirliginiñ teşebbüsini tasdıqladı.  Baqması içün tasdıqlanğan qanun leyhaları Yuraqı Şurasına berile. Şu anda parlamentçilerniñ olarnı tasdıqlamaq vaqtı keldi.