burger

Vitse baş nazir İrına Vereşçuk, Sürgün etilgen kişilerni qorçalama meseleleri koordinatsiya ştabınıñ reberi olacaq

Опубліковано 17 June 2022 року, о 18:10

Nazirler Kabineti, Ukrainağa qarşı silâlı tecavuz sebebinden Sürgün etilgen ya da zornen ketirilgen kişilerniñ aqlarını qorçalama meseleleri koordinatsiya ştabını teşkil etti ve o aqqında bir Emir tasdıqladı.

Reintegratsiya nazirligi, Ükümetniñ iyün ayınıñ 17-sindeki oturışında baqılğan ve tasdıqlanğan qararına mücibi bir leyha azırladı.

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Koordinatsiya ştabınıñ başı olacaq. Ştabnıñ terkibinde icra akimiyetiniñ merkeziy organlarınıñ, quvetli müessiselerniñ vekilleri, Mahsus vaziyetlerde habersiz ğayıp olğan kişiler meseleleri vekili Oleh Kotenko v.b. olacaq.

Koordinatsiya ştabınıñ esas vazifesi, bütün meraqlanğan taraflar arasında sürgün etilgen kişilerniñ aqlarını qorçalamağa dair faaliyetke yardımcı olmaq ve bu tür kişilerniñ meselelerini çezüv yolları ve usullarını tesbit etmektir.