burger

Yanvar ayınıñ 12-sinde imtiyazlı ipoteka kreditini almaq içün nevbetteki qazanğanlar saylanacaq

Опубліковано 10 January 2022 року, о 10:35

2022 s. yanvar ayınıñ 12-sinde saat 14:00 te Yaşlar içün mesken binalarını quruvğa yardım etken devlet fondu, «Devlet içinde alınğan kişiler içün mesken binaları» leyhası çerçivesinde kredit namzetleri arasından nevbetteki qazanğanlarnı saylaycaq.

Protsedura, Halqara mesleatçı (IPC GmbH) tarafından teklif etilgen, KfW tarafından uyğunlaştırılğan ve şahsiy malümatlarnıñ qorçalanmasına dair qanunlarnıñ talaplarına uyğun olğan RandomPicker.com programma teminlenüvi qullanılaraq, tesadufiy sayı generatorı yardımınen tesadufiy sayav yapılaraq kerçekleştirilecektir.

Qayd etilgen insanlardan 150 ğalipni saylamağa planlaştırıldı.

Bir soñki iş kününden daa keç olmamaq üzre, Yaşlar içün mesken binalarını qurmağa yardım etken devlet fondunıñ regional idareleriniñ, ğaliplerge kereli vesiqalarını bergeme haber etecegini qayd etemiz.

Bundan ğayrı, kerçekleştirilgen saylavda qazanğanlarnıñ cedveli, Yaşlar içün mesken binalarını quruvğa yardım etken devlet fondunıñ ve regional idarelerniñ resmiy saytında yayınlanacaqtır.

Namzetler sicilinde qayd etilgenler arasından qazanğanlarnıñ saylanmasını er taraflı nezaket altında tutması içün saylav esnası, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleriniñ, Halqara mesleatçınıñ ve Yaşlar içün mesken binalarını quruvğa yardım etken devlet fondunıñ qatılımınen kerçekleştirilecektir.

Saylavnıñ canlı yayını YouTubedeki Yaşlar içün mesken binalarını qurmağa yardım ekten devlet fondunıñ kanalında keçecek.

Diqqatıñıznı celp etemiz!

Sicilniñ şekillendirilmesi bir kün içün toqtaycaq, onıñ devamında Namzetler sicilinde qayd etilgenler arasından qazanğanlarnıñ saylanması kerçekleştirilir. Sicilge kirsetilmek içün namzetlerden arizalarnıñ berilmesi saylavdan kelecek kün ğayrıdan tiklenilecektir.

Arizalar, Diia portalı vastasınen bağlantığa basıp berilmektedir.

Hızmetniñ tehnikiy yerine ketirilüvi, Ukrainanıñ raqamiy transformatsiya nazirligi yardımınen yapıldı.