burger

Yuqarı Şura, RF silâlı tecavuzı neticesinde azatlıqtan marum etilgen kişilerniñ içtimaiy ve uquqiy qorçalaması aqqında qanunnı tasdıqladı

Опубліковано 26 January 2022 року, о 17:00

Yanvar ayınıñ 26-sında Ukraina Yuqarı Şurası, №6104 «Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantaları azalarınıñ içtimaiy ve uquqiy qorçalaması aqqında» qanunnı tasdıqladı. 288 halq mebusı qanun leyhasını destekledi. 

№6104 qanunnıñ leyhasınıñ teşebbüsçisi Ukraina Prezidenti Volodımır Zelenskıy olıp onı deral olaraq yolladı. Ukrainanıñ vaqtınca işğal etilgen topraqlarınıñ reintegratsiya meseleleri nazirligi onıñ azırlanmasına faal tarzda qoşula edi.

Aynı zamanda, Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, pek müim qanunnı desteklemeleri içün halq mebuslarına teşkkür bildirdi.

«Qanunnı meydanğa ketirmek içün endi yapacağımız çoq iş bizni beklemekte. Beraber becerecekmiz», – dep qayd etti.

Tasdıqlağan qanun leyhası, Ukrainağa qarşı silâlı tecavuz neticesinde azatlıqtan marum etilgen kişilerniñ ve olarnıñ qorantaları azalarınıñ içtimaiy ve uquqiy qorçalama qanuniy mehanizmlerini yaratacaq ve mezkür faknı belgileme temelleri ve yol-yoruqlarını tesbit etecek.

Bundan ğayrı, qanunda böyle maddeler esapqa alındı:

  • Ukrainağa qarşı tecavuz neticesinde azatlıqtan marum etilgen olaraq insanlarnıñ tanınma faktınıñ tesbit etme meseleleri eyyetini teşkil etüt ve onıñ vekâletlerini tesbit etüv;
  • Ukrainağa qarşı tecavuz neticesinde azatlıqtan marum etilgen olaraq tanınğan insanlarğa ve mezkür vatandaşlarınıñ qorantaları azalarına para yardımını ödeme yol-yoruğı;
  • Mezkür insanlarnıñ tek cedvelini yaratuv ve işlev;
  • Tibbiy ve reabilitatsiya, husustan ruhiy, yardım kefaleti, uquqiy yardım etüv yol-yoruğı;
  • Mesken, emek, tasil, pensiyanen temin etme ve umumiy kerekli devlet içtimaiy sigorta etme aqlarını yerine ketirüv.

Böylece, bu qanunnı yerine kestirmek içün onı semereli tarzda kirsetmek maqsadınen Reintegratsiya nazirligi kerekli normativ-uquqiy aktlarnı azırlaycaqtır.

Qayd etmemiz ki, Ukrainağa qarşı tecavuz neticesinde azatlıqtan marum etilgen ukrain vatandaşlarınıñ ve qorantaları azalarınıñ içtimaiy ve uquqiy qorçalama meselesi, bir qaç normativ-uquqiy aktlar vastasınen çezile edi, faqat tek ve kesen-kes yol-yoruqnı yoq edi.