burger

3V leyhası, agroklasterlerniñ teşkil etilmesi içün Lugansk vilâyetiniñ territorail cemiyetlernen körüşti

Опубліковано 20 December 2021 року, о 15:27

“Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasınıñ ve Dünya bankınıñ vekilleri, cemiyetlerniñ topraqlarında agroklasterlerniñ teşkil etilmesi içün Lugansk vilâyetiniñ territorial cemiyetlerinen körüştiler.

Agroklasterlerniñ teşkil etilmesini Nıjnöduvansk, Kolomıyçıha, Kreminna, Rubijne, Bilovodsk territorail cemiyetleriniñ vekilleri de muzakere ettiler.

Agroklaster, territorail olaraq bir birine yaqın olğan ve öz iqtisadiy areketleri vastasınen klasterniñ er bir iştirakçisiniñ umumiy inkişafına ve reqabet küçüne yardım etken köy hocalığı teşkilâtlarınıñ, çiftlikniñ birleşüvidir.

“Agroklaster, birleşip köy hocalığı istisalcılarınıñ öz biznesini inkişaf ettirmege, daa çoq para qazanmağa imkânıdır. 3V leyhası, agroklasterler çalışması içün astyapını qurmağa, iqtisadiy tarzda delillerge esaslanğan teşebbüslerge yardım etecek. Amma çiftçilerniñ qaysı ğaye etrafında birleşmege azır olğanını şimdi bilmek müimdir”, – 3V leyhasınıñ başı Roman Plis dep ayttı.

IPG (Innovation, Partnership, Generation) konsalting şirketi, “Şarqiy Ukraina: qavuştıruv, yañıdan quruv, ğayrıdan yaratuv” leyhasını kerçekleştirüv çerçivesinde bölgede teşkil etilecek agroklasterlerniñ dizaynı içün Lugansk vilâyetinde köy hocalığını inkişaf etüv araştırmasını keçirmekte. Bölgeñizdeki köy hocalığını inkişaf etmek kerekli ğayeleriñiz ya da fikirleriñiz olsa, Lugansk vilâyetinde öz agrobiznesini başlatmağa planlaştırsañız, IPG şirketiniñ soravında iştirak etiñiz. Bunı yapmaq içün bağlantığa basıp anketаnı toldurıñız:

Lugansk vilayetindeki ufaq mallı köy hocalığı, ösümlikasrayıcılıq, ayvanasrayıcılıq içün anketa

Lugansk vilayetindeki balcıler içün anketa