İçtimaiy siyaset nazirligi, içtimaiy qorumağa ihtiyac duyğan ukrainalılarğa yardım etemege devam ete.

Vatandaşlarnıñ ealini içtimaiy qoruma saasında bütün aktual malümatnı ögrenmeleri içün nazirlikte 4 “sıcaq hat” işley, şu cümleden:

 

İçtimaiy meseleler “sıcaq hattı” – 15-39 saqatlı kişilerniñ mesleatları içün. Ukrtelekom qayd etilgen alâqa ağı, Kıyvstar, Vodafone Ukraina, Lifecell mobil operatorlarından arizacı içün 1539 “sıcaq hat”qa telefon etmek bedavadır.

Diñleme bozuqlı olğan vatandaşlar içün el tili tercimanınıñ yardımınen “sıcaq hat”qa hitap etüv hızmeti bar. Bu kişiler, video mektübi şeklinde cevap mıtlaqa alacaqlar.

 

İnsan ticareti ve ev zorbalığına qarşılıq “sıcaq hattı” – 15-47. Ev ya da cep telefonı vastasınen 15-47 qısqa nomerağa telefon etip ya da 15-47 veb saytı vastasınen beyanat yazıp “sıcaq hat”qa hitap etmek mümkün.

“Sıcaq hat” insan ticaretine qarşılıq, ev zorbalığını evelden yoq etüv ve oña qarşılıq, cinis zorbalığı ve bala zorbalığı meselelerinde bütün arizacılarnıñ hitapları alınır, 15-47 “sıcaq hat”nıñ iş yönelişine mücibi ruhiy yardım berilir. Bundan ğayrı, telükesizlik ve mudafaa, gumanitar yardım, içtimay destek v.i. meselelerinde mesleat ve alâqa malümatı berilir. Em de cenk areketlerinen bağlı meselelernen telefon etken arizacılarğa ruhiy destek berilir.

 

Ukraina Milliy içtimaiy servis hızmeti (Milliy içtiamiy hızmet) – (044) 289- 87-89, [email protected]. Anda aşağıdaki malümat ögrenmek mümkün:

– ealini içtimaiy qoruma, bala aqlarını qorçalama saasında devlet siyasetiniñ yerine ketirilmesi;

– qanunlarnıñ içtimaiy destek bergende ve bala aqlarını raiyet etüv talaplarına devlet kontrolı etmek;

– bala doğğanda bir kerelik natural yardım “bebek paketi”ni berüv.

 

Ukraina Pensiya fondunıñ alâqa merkezi –  0-800-503-753, (044) 281-08-70, (044) 281-08-71

vatandaşlarğa pesiya meselelerinde mesleat berilir.

 

Nazirlikniñ resmiy saytından ğayrı, Fondlarnıñ eki saytı işley:

 

Saqatlı insanlarnı içtimaiy qoruma fondu. Anda aşağıdaki malümat ögrenmek mümkün:

– reabilitatsiya tehnikiy vastalarınen temin etüv;

– balalarnıñ reabilitatsiyası;

– vilâyetlerde saqatlı kişilerniñ içtimaiy birleşmelerinen işdeşlik.

 

Ukraina içtimaiy sigorta fondu. Aşağıdaki malümat:

– iş yaralanuvı ve ihtisasiy hastalar profilaktikası;

– işsizlik malümatnamelerini berüv ve uzatuv sebeblerini kontrol etüv;

– tibbiy-içtimaiy hızmetler berüv.