Cebege yaqın vilâyetlerge odun ketirilmege başladı. Bugün Mıkolayiv vilâyetine Ukrzalizlıntsânıñ treni, odunnen ilk eki vagonnı yolladı. Şu anda odun vagonlardan tüşürile ve yaqın kelecekte arbiy areketler rayonlarınen sıñırdaş olğan topraq cemaatlarına ketirilecek.

Yerli akimiyet, tamam ev hocalıqlarına odun ketirecek. Topraq cemaatı, prioritetlikniñ nevbetini tesbit eterler. Prioritette – ealiniñ zayıf kategoriyaları: çoq balalı aileler, qart kişiler, saqtlı insanlar.

Aşağıdaki nomeralarğa telefon etip Mıkolayiv vilâyetinde bedava odun aluv algoritmini ögrenmek mümkün:

• Mıkolayiv rayonı: (068) 535-91-19, (051) 532-19-67 (çalışma saatleri: 08:00 – 18:00);
• Baştan rayonı: (098) 738-83-18 (08:00 – 20:00);
• Voznesensk rayonı: (066) 779-46-18 (08:00-20:00).

Şu anda başqa vilâyetlerge odunnı yollama logistikası tüzetildi. Olarda ekisi, şu cümleden Dnipropetrovsk ve Zaporijjâ vilâyetleri, Ukrzaliznıtsânıñ trenlerinen odun alacaq. Yaqın kelecekte başqa vilâyetlerge maşna naqliyatınen odun ketirilecek.

Hatırlatamız ki, cebege yaqın bölgelerniñ ealini bedava odunnen temin etmek içün Ukraina Ükümeti deyerli 563 mln grivna ayırdı.