Hatırlatamız ki, ReNaziriginiñ teşebbüsinen Zaporijjâ vilâyetindeki Vasılivka topraq cemaatınıñ topraqlarında arbiy komendatura teşkil etildi. Onıñ esas vazifesi – Ukrainanıñ vaqtınca işğal etilgen topraqlarına kirişni idare etmek ve sıñır sızığını keçken vatandaşlarğa telükesizlikni temin etmektir.
ReNazirligi yañartılğan kiriş yol-yoruğına diqqat çeke:
- Stepnohirskteki tesbit etilgen KÇKNndan sutun şeklinde yük taşınuv ve VİETna ketüv ceryanı keçirile. Komendaturanıñ izni kerek. O, tek Vasılivka rayonında aqiqiy.
- Gumanitar yükni VİETna ketirmek içün territorial cemaatnıñ malümatnamesini almaq kerek.
- Komendaturanıñ keçit noqtasında askerler ve uquq qorçalayıcılarnıñ eşyalar, naqliyat, yükni közden keçirmege aqqı bar.
- Er kün 07:00 – 17:00 saatlerinde Zaporijjâdaki meydançıqta (Orihi şossesi, 36) VİETna ketmek içün sutun teşkil etile.
- Milliy politsiya Stepnohirskke territorial komendaturanen maşnalarnıñ sotonlarını ozğara. Yolda toqtamaylar.
- Tahliye naqliyatına ve gumanitar yardımnen yük maşnalarına sutunda imtiyaz berile. İmtiyaz almaq içün komendaturanıñ ayrı bir izni kerek.
Aşağıdaki maşnalar içün VİETğa Vasılivka komendaturasından kiriş yasaq:
– izin berilgen 3,5 t azamiy massanen yük maşnaları;
– (tahliye naq liyatından ğayrı) 22den ziyade oturma yerinen avtobuslar.
Komendarutanıñ vekilleri bu yol-yoruqnı riayet etüv ceryanı temin eteler.
