Azat etilgen şeerler ve köyler yañıdan yaşamağa başlaylar. Amma çoqusı allarda anda tek viran etilgen mesken ve astyapı bar. Elektrik teminatı, qızdıruv sisteması, suv ve gaz olmadan. Alâqa ve internet yoq. Topraqlarnıñ büyük parçası minalaştırılğan.

Bu tür şartlarda qış keçirmek pek telükelidir.

Anda bulunğan yaqınlarğa nasıl yardım etmek? Alâqa deyerli olmağanda kommunikatsiya nasıl qurmaq?

“Azat etilgen topraqlar yañıdan yaşamağa başlağanda olarnıñ sakinlerine serbest Ukrainada bulunğan yaqınlarınen alâqa qurmağa, beklegenimiz ve er vaqıt destek etecegimiz daa telükesiz bölgelerge tahliye etmege yardım etmek içün mümkün olğan er şey yapamız”, – dep Ukrainanıñ vaqtınca işğal etilgen topraqlarınıñ reinetgratsiya meseleleri naziriniñ muavini Oleksiy Boroday aktsent etti.

ReNazirliginiñ taqımı, keçenlerde işğalden azat etilgen topraqlarda bulunğan yaqınlarına çıqmağa yardım etmege ıntılğan insanlar içün areketler talimatını azırladı. Kerekli bilgiler – bu malümat grafikasındadır.