![](https://minre.gov.ua/wp-content/uploads/2024/07/photo_2024-07-04_10-31-51.jpg)
Milliy malümat bürosı, (MMB) vaqtınca işğal etilgen topraqlarda habersiz ğayıp olğan insanlar ve esirlikte bulunğan askerler, rusiyeniñ Ukrainağa qarşı silâlı tecavuzı sebebinden zoraki ketirilgen ya da sürgün etilgen insanlar ve balalar aqqında hitaplar almağa devam ete.
2024 senesi bozarğan ayda:
- MMBnıñ 24 saat işlegen sıcaq hattınıñ operatorları tahminen 8,2 biñ telefon hitabını aldılar;
- [email protected] elektron poçtasına eñ az 4,5 biñ hitap yollandı;
- poçta vastasınen 1,6 biñ mektüp alındı;
- MMBnıñ saytındaki online forma vastasınen deyerli 1 hitap alındı;
- Telegram ve Viber çat-botları vastasınen 600den çoq hitap alındı.
Hatırlatamız ki, şu telefon nomeraları vastasınen Milliy malümat bürosınıñ sıcaq hattına telefon etmek mümkün: 16-48 ve +38 (044) 287-81-65 (ecnebiy ülkelerdekiler içün).
Mezkür alâqa kanallarından ğayrı, MMBa Facebook saifesindeki messenger vastasınen malümat bermek mümkün.