Ülkeniñ Köçüv ve integratsiya nazirligi, olarnı 2025 senesi saban ayınıñ 17-sine qadar uzatmağa qarar berdi. Ecnebiyler içün Danimarka Köçüv hızmetiniñ portalında bu aqqında haber berdiler.

Kelecek sene saban ayına qadar müessise, yaşayış izinlerini alğan ukrainalılarnıñ işlerini teşkermege planlaştırır. Eger olar vaqtınca qorçalav şartlarına uyğun olsalar, olarnı avtomatik olaraq uzatırlar. Maqbul karta, poçta vastasınen yollanacaq.

Bildirildi ki, ukrainalılar öz biometrik bilgilerini (foto kartı ve parmaq işaretleri) bermemeliler.

Bağlantığa basıp, Danimarkada mahsus qanunğa mücibi yaşayış izniniñ müddetini uzatuv aqqında tafsilâtlıca oquya bilirsiñiz.

Hatırlatamız ki, 2022 senesi saban ayında Danimarka Ükümeti, “Ukrainadan köçip kelgen insanlarnıñ vaqtınca yaşayış malümatnamesi aqqında” qanunnı tasdıqladı. O yardımınen köçken ukrainalılar bu ülkede qanuniy olaraq buluna ve içtimaiy aqlarnı ala bilirler.