Lugansk vilâyetinde rus ordusı cebede deyerli ögge keçmedi. Bunıñ içün, silâsız tınç yaşağan ealige, mesken massivlerge ve astyapığa qarşı “nevbetiy ğalebelerni” qazanır. İşğalciler, böyle degen LHCniñ işğal etilgen topraqlarınıñ yaşayış faaliyetinen bağlı obyektlerni bile viran eterler.
Aprel ayınıñ 26-sından itibarınen.
LUGANSK VİLÂYETİ
Keçken kün vilâyetiniñ toprağında 17 ateşler qayd etildi. Şiddetli ateşler ve toplar ücümleri neticesinde Popasna, Rubijne, Lısıçansk ve Ğirske cemaatınıñ meskğn yerleri eñ çoq zarar kördi.
Keçken afta rus işğalcileri, 300kV yüksek voltlı kerginlik sızığını bozıp Lugansk vilâyetiniñ tüm toprağını elektrikten kestiler. 200 vaqtınca işğal etilgen meskün yerde elektirksiz qaldı. Aprel ayınıñ 25-inde rus ordusı, keçenlerde qurulğan 500 kV Kreminna elektrik aststantsiyasını elektriksizleştridi.
Arbiy areketlerniñ şiddetligi sebebinden bozmalarnı tamir etmek er vaqıt imkân olmay. Sanki mantıqlı bir suall peyda ola: işğal ordusı tarafından kontrol etilgen topraqlar da dahil omaq üzere yaşayışnen bağlı olğanı şeyler ne içün yoq etilir? Cevap qolay: işğalciler bölgeniñ, bu cümleden VİETnıñ, ve elbette ealiniñ kelecegini tüşünmeyler.
Bu tür rus “elektriksizleşteirmesi” neticesinde Luganks vilâyetiniñ 36 meskün yeri elektriksiz qalır. Olardan 24-ü tamamınen ve 12-si qısmen. Umumen – 91 biñden ziyade qullanıcı.
Keçenlerde ateşler neticesinde Lısıçansk ve Ğirske cemaatında gaz boruları da bozulğan edi. 46 meskün yerniñ 113 biñ abune gazsız qaldı.
Elektrik teminatı ağlarınıñ bozulğanı sebebinden Severodonetskke ve Popasna rayon suv kanalınıñ obyektlerine suvnı ketirilgen popma stantsiyaları elektirksizleştirildi. Rubijne, Popasna ve yanındaki köylerde suv teminatı astyapısınıñ bozmaları kritiktir. Böylece, deyerli tüm Lugansk vilâyeti suvsız qaldı.
Bunıñ yerine işğalciler, er şeyni qarağa çevirmege devam eteler. Misal içün Novotroşkivkada evler tamam qalmadı. Şu anda viran etilgen ya da bozulğan evlerniñ ve astyapınıñ sayısını esaplamaq imkânsız qalır. Dercde, Lugansk VDMniñ matbuat merkezinden ve Lıgansk vilâyet arbiy memuriyetiniñ reberiniñ resmiy Telegram kanalından malümat qullanıldı.
