Aprel ayınıñ 5-inde Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ teşebbüsinen gumanitar yardım Kıyıv vilâyetindeki azat etilgen İvankiv şşq ve Sukaçi köyüniñ sakinleri içün yollandı.

Gumanitar yük, “Yahşılıq ve Sevgi Fondu” halqara hayriye fondunen ve Ukraina halq mebusı Olha Vasılevska-Smağlüknen işdeşliginde Reintegratsiya nazirligi tarafından ketirildi.

Kıyıv vilâyet arbiy memuriyeti, gumanitar konvoynıñ vilâyetiniñ toprağında maniasız ketmesine yardımcı oldı.

«Şimdi işğalcilerniñ suniy gumanitar buhrannı yaratqanları azat etilgen meskün yerlernin sakinlerini kerekli er şeynen azamiy tarzda temin etmelimiz. İnsanlarımıznıñ temel ihtiyac ve hızmetlerge irişimine saip olmaları içün. Bu, Ükümetniñ prioritetli vazifelerinden biridir. Bu gumanitar yükniñ toplanması ve ketirilmesine qatılğan er keske teşekkür bildirem», – dep İrina Vereşçuk qayd etti.

Böylece 8 maşna, azıq mahsulatı ve gigyena eşyalarından ibaret olğan 16 tonnalıq gumanitar yardımnı ketirildi.

Yükniñ parçası – vatandaşlar içün şahsiy taqım – tamam evlerge ketirildi. Sukaçi qasabasındaki qadın ruhiyat nevrologiya dispanseri ayrı yardım aldı.

Qayd eteyik ki, bu yardım, Reintegratsiya nazirliginiñ koordinatsiyasınen ve Help Ukraine Centernen işdeşliginde kerçekleştirildi. Ukraina halq mebusı Olha Vasılevska-Smağlük, yerli sakinlernen alâqa qurulmasını ve ihtiyaclarının araştırılmasını temin etti.

Aynı zamanda, “Yahşılıq ve Sevgi Fondu” halqara hayriye fondu Kıyıvğa bu yardımnı ketirme, paketleme ve İvankiv şşqnıñ ve Sukaçi köyüniñ grajdan ealisine berme işlerini üstüne aldı.

Bundan ğayrı, İQŞnıñ KKOM “İvankiv rayon hasthanesine” 2 pek zemaneviy isveçre acele yardım maşnası berildi.

Hatırlatamız ki, aprel ayınıñ 1-inde Kıyıv vilâyetiniñ İvankiv qasabasında ukrain bayrağı köterildi. Meskün yer, rfnıñ tolu masştablı işğaliniñ ilk künlerinden berli işğal altında edi.