Ukraina Vitse baş naziri İrina Vereşçuk, ukrain vatandaşlarınıñ yer deñiştirme yerindeki acele meselelerni çezmek içün yardım programmasınıñ kerçekleşmege başlağanını haberdar etti.

«UNİCEF halqara teşkilâtı ukrain Ükümetinen beraber ukrainalılarnıñ deñiştirgeni yerindeki acele meselelerni çezmek içün qoşma yardım programmasını başlatqan bir qarar azırladı ve qabul etti, – o dep ayttı. – Evleriñizni, normal yaşama fırsatıñıznı coyğanıñıznı ve şimdi qanaatlendirilmege kerekli acele ihtiyaclarıñız olğanını añlaymız. Bunıñ içün yerleştirme, azıq mahsulatı, ilâç, tibbti yardım alma – er şey eñ azından qısmen bu programma tarafından ödenecektir».

İrina Vereşçuk daa tafsilâtlı ayttı ki, bu programma, buña çoq ihtiyac duyğan eñ zayıf vatandaşları içün işlemege başlaycaq. Bu, misal içün, çoq balalı aileler ve saqatlı balalı aileler.

Onıñ sözlerine köre, programma çerçivesinde aşağıdaki eali kategoriyaları maliyeviy yardım şekilde qoşma ödeme alma aqqına saiptir:

–  eñ az üç balasından ibaret olğan ve eñ az biri eki yaş altında olğan aileler;

– eñ az eki balasından ibaret olğan ve eñ az biri saqarlı olğan aileler.

Kişilerniñ başqa tür yardım alıp almağanlarına baqmadan, para yardımı ödemesi ayrıca yapılır. Em de devler içinde alınğan kişilerge yaşama ödemeleri. Bu programma çerçivesinde para yardımları, eñ çoq beş kişi içün aile azası başına aylıq 2220 grn ödenir. Para yardımını ödemesi, üç ay boyunca bir ödeme bir kere yapılır.

Yardım almaq içün yetişken aile azalarından biri, bu cümleden elektorn hızmetleriniñ tek devlet veb-portalı vastasınen resmiy UNICEF ved-saytında yardım alma fromasını toldurır. Bu cümleden, Ukraina Nazirler Kabineti tarafından tesbit etilgen yol-yoruqqa uyğun olaraq tehnikiy yerine ketirimeden soñ mobil “Diia” qullanımı vastasınen.

«Diger halqara teşkilâtlarnı da halqımıznıñ işini qolaylaştırmaq, biz siznen berbare daa küçlü olmaq, Ukrainanıñ ise ğalebege doğru daa tez ve daa tez areket etmesi içün ukrain Ükümetinen beraber çalışmağa çağıramız», – dep İrina Vereşçuk çağırdı.