Aprel ayınıñ 28-inde Nazirniñ muavini Snaver Seythalilevniñ şahısında Ukrainanıñ vaqtınca işğal etilgen topraqlarınıñ reintegratsiya meseleleri nazirligi, başı Refat Çubarovnıñ vekilliginen Qırımtatar halqınıñ Meclisinen ve Türkiyeden ortaqlarınen beraber İrpinniñ sakinlerine gumanitar yardımnı ketirdi.

Mezkür yardım Reintegratsiya nazirligi, İlbav ş. Meclisniñ Koordinatsiya merkeziniñ vekilleri, Qırım milliy amanlıq fondu ve ortağı AFAD (Türkiye İçki işler nazirligi onıñ faaliyetini kooridnatsiya ete) olğan FK Ukraina fondu tarafından toplandı ve teşkil etildi.

İrpinge makaronlardan, quru yemişlerden, zeytünlerden, yağdan ve diger aştan ibaret olğan 100 azıq taqımı ketirildi. Daa Türkiye FVNden eñ faydalı eşyalarnen (ilâclıq, radio alıcı, yağmurlıq vb.) 100 oñaytlı arqa çantası alındı. Cemaatnıñ eñ kiçik sakinleri içün ise Reintegratsiya nazirligi, komiks şeklindeki “Mina telükesizligi işletme qaidelerisiz olmay” oquv kitaplarını ve resimlernen yarıştıcılarnı berdi. Bu cümleden, bu derc istgen er kes içün elektron şeklinde irişilir.

Şu anda işğalcilerden azat etilgen şeer ayatına döne, oña tahminen 15 biñ vatandaş qayttı. Faal yañıdan qurulma başlana. Viran etilgen bala bağçalarınıñ ve mekteplerniñ yañıdan qurulması planlanır.

Gumanitar yardım şeeriniñ meri Oleksandr Markuşınğa berildi, bundan soñ şeer şurası oña eñ çoq ihtiyac duyğanlarğa üleştirilecektir.

«Ortaq ğayretlerimiznen toplaya bilgenimiz yardımnıñ şeer içün faydalı olacağından eminmiz. Eñ müimi, qıyın zamanlarda epimiz birligimizni kösteremiz ve bir-birimizni destek etemiz. Beraber ğalebege doğru areket etemiz ve şeer mümkün olğan eñ qısqa vaqıt içinde yañudan qurulacağına ümüt etemiz», – dep Nazirniñ muavini Snaver Seythalilev qayd etti.