İşğalcinen işdeşligini yapmağa qabul etken ve şu anda devletimizge ve halqnıñ telükesizligine qarşı cinayet yapqan ukrain memurlarınıñ ve vatandaşlarınıñ vesiqalaştırılması devam ete.

Ukraina Baş prokurorınıñ Ofisi, bu tür başqa bir bir hain aqqında haberdar etti. Donetsk vilâyet prokurorcılığınıñ reberi, Mariupol şeer şurasınıñ mebusını arbiy vaziyet şartlarında (Ukraina CQniñ 111. maddesiniñ 2. parçası) yapqan devlet hainligi tömeti aqqında haberdar etti. Makemeden evel taqiq, Donetsk ve Lugansk vilâyetinde UTHniñ Bİ tarafından etilir.

Taqiqniñ malümatına köre, AİMP siyasiy fırqasında bu mebus, şu anda qısmen rf silâlı vekilleriniñ kontrolı astında olğan Mariupolda olğanda göñülli olaraq işğalcilernen işdeşkligini yapmağa qabul etti.

Böyle degen “DHC”niñ başınıñ qanunsız “emri”ne köre, 2022 s . aprel ayınıñ 6-sından başlap tömetli özüne “Mariupol şeeriniñ memuriyetiniñ başı” dey. O, arbiy vaziyet şartlarında rusiyege ve silâlı şekillenmelerine Ukrainağa qarşı cinaiy yıqıcı faaliyetini keçirmege yardım ete.