Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı öz Telegram kanalında yazdı.

«Ukraina Prezidenti Volodımır Zelenskıynıñ emrine mücibi esrilerniñ üçünci deñişmesi keçirildi. 12 askerlerimiz, biri qadın zabit, evine qayttıç. Daa 14 grajdan kişi, olardan 9 qadın azat ettik. Umumen 26 kişimiz azat etildi», – o dep haberdar etti.

Hatırlatamız ki deñişme, Ukraina Prezidentiniñ emrini yerine ketirmek içün Milliy malümat bürosınıñ (MMB) faaliyeti çerçivesinde kerçekleşe.

MMB, Ukrainanıñ halqara gumanitar uquqqa riayet etme mecburiyetlerini, hususan 1949 s. avğust ayınıñ 12-sindeki Arbiy esirlernen tutma aqqında Cenevre şartnamesini yerine ketirmek içün teşkil etildi.

MMBnıñ Ukrainada esas maqsadı, eki taraftan arbiy esirler ve öldürilgen askerler aqqında malümatnı toplamaq, merkezleştirmek ve umumiyleştirmek ve silâlı tecavuz neticesinde zarar körgen tutulğan grajdanlar, habersiz ğayıp olğanlar, mecburen ketirilgenler (sürgün etilgenler) kibi ukrain vatandaşları aqqında malümatnı toplamaq.