Bunı Prezident Ofisinde haberdar ettiler.

Jıtormır, Zaporijjâ, Kıyıv, Mıkolayiv, Sumı, Harkiv ve Çernihiv vilâyetleriniñ topraqlarında 6 biñden ziyade meskün yer bulunır. Olardan deyerli 1,5 biñi işğal astında edi. Bu bölgelerden viranlar aqqında malümat toplandı.

Şu anda rus ordularından azat etilgen bölgelerde kritik astyapı yañıdan qurula: gaz teminatı, elektrik energiyası teminatı, suv teminatı, mobil bağ ve internet hızmetleri; 300den ziyade meskün yerde benzin stantsiyaları yañıdan çalışmağa başladı. Tibbiy müessiseler, ilâchaneler, aşayt tükânları, Memuriy Hızmetler Merkezleri, orta tasil müessiseleri, yüksek tasil müessiseleri, banklar, Ukrpoştanıñ bölükleri çalışmağa da başlay.

Meskün yerlerniñ 38 faizinde yerli öz idare organları ve olarnıñ icra organları işini faalleştirdi.

Minasızlaştırılma da faal yapılır: işğal astında olğan meskün yerlerden 168-i minasızlaştırıldı. İrpin, Buça, Ğostomel, Vorzelni Kıyıvnen bağlağan Romanivkat-da vaqtınca üyme köprü açıldı. İşler üç kün devamında 24 saat devam ete edi.

Kıyıv vilâyetiniñ toprağında Ukraina fevqulâde vaziyetler devlet hızmetiniñ 1228 ştabı işley.

Harkiv vilâyetinin qısmı işğal etilgen qala. Anda arbiy areketler devam ete. Faqat Harkivden azat etilgen Çuğuyevoğa M-03 yolunda işğalci tarafından yoq etilgen grajdan naqliyatnıñ ve duşman arbiy tehnikasınıñ qalımtıları cıyıştırıla. Merefa – Lozova M-18 qara yolunda çuruq tamiri yapılır. Bu yollarda bölgeden tahliye marşrutları kete.

Sumı vilâyetiniñ astyapısı faal olaraq yañıdan qurulır. Sumıda kommunalcılar, yerli sakinler ve göñülliler, soqaqlarnıñ sanitar temizlemelerini yaparlar, çöp alıp çıqarırlar.Trostânetsnin eki rayonlarınıñ ve Lüdja köyüniñ sakinlerinde elektrik endi bar. Ohtırkata mesken binaları suv teminatına bağlanmağa başlay.

Çernihiv vilâyetinde Smolın ve Yakubivka köyleri yanında vaqtınca keçmeler qurulmağa başladı.

Bundan ğayrı, endi deyerli bir aftadır Jıtomır qara yolunda yañıdan tikleme işleri keçirilir: o temizlenir, viran etilgen maşnalar ve tehnikadan cıyıştırılır, aynı zamanda Stoyanka yanında viran etilgen köpür çıqarılıp vaqtınca keçme qurulır. Korosten rayonınıñ Ğrezlâ ve İrşa özenlerinden vaqtınca keçmeler de qurulır. Veselivka köyüniñ minasızlaştırılması keçirilir.

Hatırlatamız ki, yañıdan qurmaq içün ihtiyat fondundan ilk milliard grivna ayırılacaq: Ukraina Nazirler Kabineti, arbiy areketler necitelerini yoq etmek içün para berme qararını qabul etti. Kıyıv vilâyeti 400 mln grn, Çernihiv vilâyeti 250 mln grn, Sumı vilâyeti 250 mln grn, Jıtomır vilâyeti 100 mln grn alacaqtır.

Şimdiki tamir işleri meskün yerlerniñ çoqusında başlatıldı, bir ay – bir buçuq ay içinde olarnıñ bitirilmesi planlanır.