“Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Qabarcılıq meseleleri sektorınıñ reberi”.
ONUFRİYEV YEVHEN İHOROVIÇ
Qabarcılıq meseleleri bölüki (vekili) aqqında tipik qaideler
Alâqa malümatı
- Adres: Çokolivskıy bulvarı, 13, Kıyiv ş., 03186
- Tel.:+380 (44) 355 14 75
- İçeri tel.: 245 (ReNazirliginiñ işçileri içün içeri malümat ağı)
- Elektron poçta: [email protected], [email protected] (ReNazirliginiñ işçileri içün içeri malümat ağı)
Qabarcılıqqa qarşılıq saasında mahsus vazifeli subyektler
Ukraina qabarcılıqqa qarşı milliy bürosı (UQMB)
Milliy büronıñ vazifesi – devlet ya da yerli öz idare vazifelerini yapmağa tayin etilgen yuqarı vazifeli kişilerniñ yapqanları ve milliy telüke içün havflı olğan cinaiy qabarcılıq qanunlarını bozmağa qarşılıq köstermektir.
Politsiyanıñ vazifesi – şöyle saalarda politsiya hızmetleri bermek: halq ögündeki telükesizlik ve nizamnıñ teminatı; insan aq-uquqlarını ve cemaat, devletniñ menfaatını qoruma; cinayetçilikke qarşılıq; qanunlarğa mücibi şahsiy, iqtisadiy, içtimaiy sebeplerden ya da fevqulâde vaziyetler neticesinde yardımğa ihtiyac duyğan kişilerge yardım hızmetlerini berüv.
Ukraina Qanunnamesinde prokurorlıqnıñ vazifeleri tayin etildi ve insan aq-uquqlarını, cemaat ve devletniñ umumiy menfaatını qorumaq maqsadınen yapılır.
Qabarcılıq evelden yoq etüv meseleleri milliy agentligi (QYMA)
Qabarcılıq evelden yoq etüv meseleleri milliy agentligi – mahsus statusnen icra akimiyetiniñ merkeziy organıdır. QYMA, qabarcılıqqa qarşı ve qabarcılıq evelden yoq etici siyasetni şekillendirir. QYMA aşağıdaki yönelişlerde çalışır:
- Ukrainadaki qabarcılıq vaziyetini talil eter ve maqbul Qabarcılıqqa qarşı strategiya ve onı yerine ketirmek içün devlet programmasını azırlar, mezkür vesiqalarnı yerine ketirüv ceryanını idare eter;
- qanunlarda ve aktlarnıñ leyhalarında qabarcılıq normalarını tesit eter;
- Halq ögündeki hızmetçilerniñ faaliyetinde menfaat çatışmasını evelden yoq etmege dair ahlâqiy areket qaideleri, qanunlarnıñ riayet etilmesini kontrol eter;
- bu organlarda qabarcılıqqa qarşı programmalarnı yerine ketirir;
- halq ögündeki hızmetçilerniñ beyannamelerini kontrol eter ve teşkerir, olarnıñ yaşayış tarzlarını nezaret eter;
- siyasiy fırqalarğa para bermege sıñırlamalarnı, fırqalarnıñ devlet bücetinden ayırılğan paranı qanuniy ve maqsatlı qullanmasını, fırqalarnıñ maqbul esaplarını vaqtında bermesi ve bergenleri bilgilerniñ doğru olmasını riayet etmege nezaret eter, devlet bücetinden ayırılğan para siyasiy fırqalarnıñ nizamnamege mücibi faaliyetini maliye etmek içün üleştirir.
- Qabarcılıqnen küreşçiler ile işdeşlik yapar, olarğa uquqiy ve başqa qoruma berir.