Ükümet, studentlerni mütehassıslı yüksekten evel ve yüksek tasil müessiselerinde devlet yerlerine keçirüv ceryanını uyğunlaştı. Seneniñ soñuna qadar masraflarnı ödemek içün 263 mln grv ayırılacaq.

Bugün Nazirler Kabinetiniñ oturışında Prezident Volodımır Zelenskıynıñ emrinen maqbul qarar berildi.

Devlet yerlerinde tasil alıcılarnı azrılağan devlet ve şahsiy mütehassıslı yüksek evel ve yüksek tasil müessiseleri içün bu buyruq işley.

Studentlerniñ aşağıdaki kategoriyaları devlet yerini ala bilirler:

– bu sene ekim ayınıñ 15-inde ve kiçik aynıñ 15-inde ReNazirliginiñ tasdıqlağanı cedvelge kirsetilgen cenk vaziyetinde vaqtınca işğal etilgen topraqlarda, cenk (arbiy) areketler zonasında yerleşken topraq cemaatında ya da vaqtınca işğal astında bulunğan, qırşavlanğan (bloklanğan) topraq cemaatında yaşağan kişiler;

– bu tür topraqlardan çıqqan kişiler; – ölgen Ukrainanıñ qorçalayıcılarınıñ balaları; – arbiy areketlerniñ iştirakçileri ve balaları; – cenk neticesinde saqatlı olğan kişiler ve balaları.

Bu nasıl çalışa?

Bücet yerine keçmek içün buyruqnen tasdıqlanğan cedvelde tesbit etilgen tasil alıcılar, oquğanları tasil müessisesiniñ reberine arizanen hitap etmeliler. Devlet yerine keçmesini tasıqlağan berilgen vesiqalarnı verifikatsiya ete.

Bundan ğayrı, studentler içtimaiy stipendiya alacaqlar. Onıñ miqdarı, Ukraina tasil ve ilim nazirliginiñ tesbit etkeni stipendiya alıcılarnıñ kategoriyası ve tasil müessisesiniñ türüne bağlıdır.

Devlet yerine keçirüv, 2022 senesi qullanılmağan devlet yerleri vastasınen ve boş yerlerniñ mevcut şartında keçirilecek. Soñ olmasa, devlet yerleriniñ sayısı artırıla bilir.